Savigliano

paiement de ses Italiens qui avoient desjà esté quarante jours sans paicmens. Je vouldroys bien, Sire, avant que lesdictz lansquenetz fussent entrez es dictes villes, qui seroit la rompture des desscingz que j'ay sur Conny, Albe et Chéras, avoir responce de vostre intencion, si vostre plaisir est que je les exécute, et de me renforcer de gens pour avoir moien, après que je les auray exécutez, de les entretenir et garder. Au surplus, Sire, les Suisses ont depuis envoyé vers moy pour faire monstre. J'ay trouvé moien de leur faire prester cinq cens escuz pour cappitaine *, et de faire paier les gens qui doyvent entrer dans Savillan affin que inconvénient n'en advienne. Il vous plairra commander que ordre soit donné à envoyer l'argent desdictes monstres, et les deniers requis pour la réparation, crève de gens et envitaillement dudict Savillan...

« De Turin, ce deuxiesme jour d'aoust 1542. » (Allemagne, Corrcsp., vol. 3, f" 125 V; 3/4 p. in-f".)