Renfort
682 AMBASSADE DE GUILLAUME PELLICIER [AOUT loir2]
car le canon y peult cslre arrivé avant midy, et n'est ledict chasteau fort du costé de la ville •.
« Pour la secunde entreprise, avons aussi envoyé renfort de gens au comte de Benevel, jusques au compliment - de mil hommes et deux cens chevaulx leigers que a amenez le lieutenant de M. de la Herbaudière; mais encores ne sçavons qui en est advenu. Pour obvier à la troisièsme entreprise, avons faict desloger les Suisses et envoyé la compagnye de M. le comte de Tende et les deux cens chevaulx leigers du seigneur Théode pour tenir le passage en seureté. A CarmaignoUe avons envoyé mil hommes de pied avec les compagnies de M. de Botlières et de moy. Au devant des gens de Cuchère avons envoyé le seigneur Ludovic de Birague, qui a chargé sur luy au sortir de la ville de Verruce ^ si vivement qu'il est entré dedans; et ont esté tous mortz ou pris les cent chevaulx dudict Cuchère : tous les chevaulx, ledict Cuchère et ce qui n'a esté mort amenez à Vérolingh. Et s'il vous plaist nous paicr pour ung moys ou deux au plus le nombre de troys mil hommes Italiens que nous avons faictz en quatre jours, et nous envoyer encores quelque nombre de Suisses (car le marchis du Vast n'aura moins de dix mil lansquenetz en son camp, à cause que ceulx qu'il avoit envoyé embarquer ont reffusé de ce faire sans estre paiez de quatre moys d'avance), nous espérons que non seullemeni ledict marchis sera trompé de son desseing, de nous empescher de semer et de faire vendanger alTin que l'année qui vient nous soions affamez; mais nous vous aurons avant la fin d'iceulx deux moys estendu voz limittes de plus de pays que de présent nous n'en tenons.
« Nous vous escriprons, Sire, plus amplement par autre dépesche. Parquoy moy Langey feray fin à la présente que j'escry pour tous deux, estant allé M. de Bottières avecques les seigneurs de la Herbaudière, de Saint-Julien * et autres, visiter Carmagnolle, pour estre le lieu qui sera plus propice à loger nostre camp; car il semble cfue, nous retirant à Pinerol et laissant seullement noz villes garnies, le plat pais sera tellement en la puissance de l'ennemy pour empescher de semer et de faire vendenger, que l'an ensuivant, si vous vouliez envoyer ung camp en ce pais pour secourir voz villes, vous n'auriez aucun moien de le nourrir...
« De Turin, ce vlngt-cinquiesme jour cVaousl i 542. »
(Allemagne, Corrcsp., vol. 3, f" 13o v"; 2 pp. 1/2 in-f".)
1. V. le récit de la prise de Clierasco, dans les Mém. de Du Bellay, loc. cit., i. XIX, p. 382. Langey y mit M. de Centallo pour gouverneur. — (V. aussi Montluc, édit. de Ruble, t. I, p. 108.)
