PELLICIER AU CARDINAL DE BOULOGNE

318. — [Venise], 14 décembre l b4 1 . — « Monseigneur, je croy que aurez receu les lettres que vous ay escriptes par ci devant, car M. l'évesque de Chisamo m'aescript que les aviez eues, et pareillement M. de Rliodez, bien que je m'esmerveille comme c'est qu'elles sont tombées entre ses mains pour vous les faire tenyr, veu que je ne vouldroys luy donner telle peyne. Et doresnavant adresseray celles que vous escripray audict seigneur évesque de Chisamo pour vous les bailler. Et pour ce. Monseigneur, que plusieurs sont advertyz comme de vostre grâce il vous plaist me tenyr au nombre de voz meilleurs serviteurs et amj-s, ainsi que à la vérité je luy suys et seray toute ma vye, suys sommément requiz et sollicité vous faire plusieurs requestes; ce néantmoings, pour ne vous attédier et fâcher, ay tousjours reculé le plus que j'ay peu de vous importuner pour homme du monde, car pour moy mesmes ne vouldroys vous requéryr de chose que je pensasse ne vous estre agréable. Or si n'ay-je sceu tant faire que à la fin n'aye esté contrainct vous escripre que, par toutes les lettres que je repçoys de la court, suys adverty S. M. avoir très grant plaisir que je continue à faire transcripre et rescrutier livres grecz ainsi que j'ay bien advancé; et pour aultant que les Grecz qui sont icy sont lapluspart gens bizarres et peu sçaventz, et encores quand il s'en trouve quelqu'un passable, il y a tant affaire à l'entretenyr que bonnement, sans l'ayde d'aulcuns personnaiges de nostre langue latine, me trouveroys bien empesché de parachever ce que j'ai encommencé. Dont entre les aultres ayant trouvé ung religieux de Sainct Augustin, nommé Valériano, fort docte et bon escripvain en grec, et l'ayant jà assez longtemps expérimenté, je désyreroys grandement pour le service du roy le pouvoir recouvrer; mais comme voussçavez que gens qui ont supérieurs n'ont souvent la liberté de povoir vacquer aux affaires, joinct aussi que en ung couvent y a quelques foys aulcuns envyeulx et malveillants de ceulx qui ont quelques bonnes partyes, comme à la vérité aussi a il où il est, par quoy désireroyt, pour l'affection qu'il a de faire service à S, M. et estre avecques moy, pouvoir avoir dispence de INostre Sainct Père d'estre

\. Philippe (le la Chambre, dit le cardinal de Boulogne, fils de Louis, comte de la Chambre, et d'Anne de Boulogne, dont il tira son nom. Entré dans Tordre de Saint-Benoît, il devint abbé de Saint-Pierre de Corbie, fut promu au cardinalat par Clément VII, à Marseille, en 1533 ; nommé évéque de Frascati, le 29 septembre 1543, il mourut à Rome le 21 février looO.

[décembre 1541] GUILLAUME PELLICIER 483

faict séculier. Dont, Monseigneur, sçaichant coml)ien avez à cueur les affaires du roy, vous ay bien voullu supplyer luy ayder à ce faire de toute voslre faveur, ayde et crédict, ainsi que Vostre Révérendissime Seigneurie peult amplement estre informée par ledict seigneur évesque de Chisamo, qui vous en présentera la requeste et sollicitera en tant que besoing sera. Et oullre que ne ferez en ce faisant pas peu de service à S. M., je vous en demeureray aultant attenu et obligé que de plaisyr que sçauroys recepvoir de vous, et de rechef je vous prye tant que je puys luy estre aydant. Quant aux nouvelles, je pence que en avez plus à Romme de tous coustez que nous n'avons icy, car en ceste ville Ton ne parle d'aultre que du naufrage et grande ruyne de l'empereur, et ne sçayt l'on la part où il peult estre, de sorte que beaulcoup de gentz tiennent en ceste ville qu'il soyt péry ou Bien tumbé entre les mains des Alarbes... »

Vol. 2, f" 263, copie du XVF siècle; 1 p. 12 in-f".

PELLICIER AT' ROI 1.

319. — [Venise], iS décembre 1341. — « Sire, par les miennes dernières du iiii*' de ce moys, V. M. aura peu veoir la diversité de plusieurs adviz qu'on avoyt eu icy de toutz coustez du naufrage et grand perte de l'armée de l'empereur, laquelle depuys, tant par ceulx qui en sont eschappez et venuz en ceste ville que aussi par lettres de toutes partz, s'estcontinuée, voyre de plus en plus pire que l'on ne sçavoyt dire du commencement. Et a l'on entendu jusques là que sa personne estoyt venue en danger d'estre pérye ou bien lumbée entre les mains de ses ennemys, attendu le long temps qu'il y a qu'on n'a eu aulcunes nouvelles certaines de luy, bien que son ambassadeur qui est icy ayt faict toute dilligence pour vouloir faire acroire qu'il estoyt arrivé en ses pays. Et mesmement depuys cinq ou six jours estant arrivé en la maison de monseigneur le duc de Ferrare, en ceste ville, où est longé son ambassadeur, ung courrier à pied venant dudict Ferrare, qui avoyt dict le seigneur dom Francesco d'Ast - estre arrivé à Sienne, lequel faisoyt entendre avoir veu embarcquer icelluy empereur à Bugia '\ et qu'il estimoyt pouvoir estre joinct en Espagne ; laquelle chose entendue par monseigneur le cardinal de Ravenne, logé en ladicte maison dudict

1. « Envoyée ceste dépesche par Beltranie, souldarl de Tliurin. »

2. Fi-ancesco d'Esté, marquis de Massa, frère cadet du duc de Ferrare.

3. Charles-Quint, après avoir fait embarquer ses troupes, partit un des derniers, le mardi 1" novembre, jour de la Toussaint, et parvint à grand'peine à doubler le cap Matifou, la mer ayant grossi de nouveau. Du port de Bougie, où il entra le vendredi 4 de grand matin, et où l'armée eut à soufTrir cruellement de la famine, il remit à la voile peu de jours après pour les côtes d'Espagne (V. H.-D. de Grammont. loc. cit., pp. 94 et 136).

484 AMBASSADE DE [DÉCEMBRE 1d40

seigneur duc, son secrétaire l'alla incontinent annoncer à icelluy ambassadeur lequel, ainsi que ceulx qui croyent vouleuliers ce qu'ilz désirent, ne faillyt le lendemain au matin mander son secrétaire vers la Seigneurie pour l'en advertyr. Mais, ne voyant aulcunes lettres et eslre cesle nouvelle peu vraysemblable et mal fondée, ne feyt grande démonstration delà croyre, et ne sçaichant icelluy cardinal de Ravenne que ladicte nouvelle fiM proceddée de sa maison par le moyen de son secrétaire, et entendant par aulcuns que ladicte Seigneurie avoyt eu cez adviz dudict ambassadeur, manda vers luy pour en sçavoir. Qui en démonstra demeurer grandement estonné et confuz, faisant respondre n'en avoir entendu sinon ce que son secrétaire luy en avoyt dict, de sorte que tous deux demeurèrent mocquez et aussi incertains que les aultres. Mais depuys, qui fut encores hier, arriva ung serviteur dudict ambassadeur, qu'ilz disent estre venu d'Espagne en treize jours par la France, dépesché à Barsaloune ' par le grand commandador, lequel Ton entend Cohos ^, qui a apporté nouvelles comme icelluy empereur estoyt arrivé à Carlegena le m" de ce moys ^, et que ledict jour qu'il fut dépesché, icelluy Cohos se partoyt pour luy aller au devant, n'oblyant icelluy serviteur à se vanter et coUauder que par toutz les lieux de France où il estoyt passé l'on luy avoyt faict bon recueil et traictement, et démonstroyt l'on grande allégresse pour les bonnes nouvelles qu'il portoyt de l'empereur. Et, ainsi que l'on peult conjecturer pour nous vouloir mieulx persuader de croire telle chose, n"a obmys aussi à dire que entre les aultres lieux de vostre royaulme par où il estoyt passé, luy fut faict fort bon traictement à Montpellier par M. le gouverneur de là; lequel, incontinent aprez avoir entendu ceste nouvelle, vous dépescha ung poste en toute dilligence pour vous la faire sçavoir. Mais je m'en remetz à ce qui en est, car aulcuns doubtent qu'il n'est rien de cela, ne qu'il soyt venu de plus loing que de Millan. Ce néantmoings icelluy ambassadeur de l'empereur est allé ce matin en grand pontiffical et accoustrementz nuptiaulx faire entendre tout ce que dessus à la Seigneurie; laquelle, voyant icelluy ambassadeur n"avoir aulcunes lettres de l'empereur ne qu'elle n'en a point aussi eu de son ambassadeur prez de luy, est demeuré ainsi qu'on m'a dict en non moindre suspicion et double, et à l'aventure plus qu'elle n'estoyt