Le ms. porte : de

nécessaires pour pouvoyr attendre et résister à ung assez gros et long siège s'il vcnoyt devant. Et pareillement a esté donné ordre de faire une barque longue à xx rèmes, et en réparer et mettre deux aultres de telle longueur qui sont jà audict Marran, afin d'estre assez fors pour garder d'entrer Farmée du roy Fcrdinando dedans le port. Laquelle estant venue avec environ douze ou quinze barques là auprez pour empescher qu'on n'y peult mander vivres ne secours, ceulx dedans Marran feurent d'advis les aller veoyr, ce qu'ilz feirent, de telle sorte qu'ilz les chassèrent de là à leur très grande confusion et honte. Et furent conduictz à grands coups de canon environ quatre ou cinq mil en la haulte mer, et demoura pour enseigne une de leurs barques, combien qu'ilz fussent deux foys plus fors que les nostres, chose qui a causé entre eulx grandes questions et mutinations, se chargeant l'ung l'aultre de ceste honteuse fuite. Quoy entendant, ainsi qu'on peult conjecturer, le camp par terre se leva le jour mesmes de là et s'en retira à dix ou douze mil loing. Dont le lendemain, ayant ung petit chasteau appelle Precenys, ce néantmoins assez fort, qui faisoytgrandz empeschemens à ceulx dudict Marran, pour estre sur le chemin d'aller d'icy là, advisèrent, attendu que les ennemis par mer et par terre s'estoyent levez, de l'aller assaillir. Et de faict ledict seigneur delà Mothe, l'ung de vos très humbles subjeclz et serviteurs du pays de Bretaigne, qui aultrefoys a esté lieutenant de cinquante hommes d'armes sous la charge de M. de Laval, bien expérimenté en la guerre et hardy de sa personne, ainsi qu'il est estimé d'ung chascun ', feist ladicte entreprinse, et s'y en ala avecques.... ^ de souldars sans avoyr autrement aucunes grosses pièces d'artilleryes ny eschelles. Ce néantmoings il trouva moyen de faire approcher contre la muraille dudict lieu certains bourches de boys qui estoyent là auprès et ainsi feist sommation à ceulx qui estoyent dedans de se rendre. Lesquelz, après avoyr faict quelque peu de dificulté, pour abréger se rendirent à mercy, leurs vies saufves. Et ainsi ledict seigneur de la Mothe, après s'en estre saisi, feist charger toutes les provisions, munitions et armes qui estoyent dedans et porter à Marran, — entr'aultres choses y avoyt bon nombre beufz^; — puys aprez, pour n'entrer en despence de le garder, mist le feu dedans, et le ruynèrent et farent bresches de tous coustez, et s'en revint avec lesdictz bourches chargez de boys, lesquelz estoyent d'aulcuns subjectz de ceste Seigneurye. Ce néantmoings l'on est d'advis, pour y estre fort nécessaire, les retenir, et payer aux rnarchans s'ilz ne les veuUent bailler à louage. Qui est tout ce qui est survenu de ce cousté là jusques à ce jourd'huy. De quoy, Sire, combien que aupa-

1. V. dans Desjardins, loc. cit., t. II, p. 800, une lellrc du vicomte de la Molhe datée de Ferrare, décembre 1524.