PELLICIER A M. D ANNEBAULT ET A M. DE LANGEY

342. — [Venise], 5 féorier 1 542. — « Monsieur, suyvant ce que à ma postescripte de la mienne du viii" janvier dernier je vous faisoys entendre de mon advis de mander M. Deschenez au lieu de Marran, pour les raisons qui y sont contenues, et aussi pour l'incertitude de la volunlé et constance de ceulx de dedans, il s'est transporté audict lieu auquel a esté le très bien venu et recueilly de tous, principallement par le capitaine Turquet. Lesquelz ensemblement ont faict jusques icy tant bien leur debvoyr qu'il n'est possible de plus, de sorte que les choses sont en très bon estât comme par la lettre que j'en escriptz amplement au roy pourrez veoir; particullièrement pour quoy faire a convenu fornir ladicte place de gens, argent et toutes sortes de munitions, nous contraignant ad ce les menaces et eforcemens des Impériaulx, et mesmement pour avoyr esté adverty de M. de Termes et d'autres que à Gènes le conseil de l'empereur avoyt ordonné mander deux mil Espaignolzet aultant de lansquenetz du reste du voyage d'Algier. Sur quoy, Monsei-