Zanubi, capitaine florentin
[novembre 1541] GUILLAUME PELLICIER 469
que j'ay prins par escript signé de sa main, duquel vous envoyé le double. Auquel, nonobstant quelques remonstrances que peusse faire, et mesmement que estant au meillieu de Thiver, comme nous sommes, avoys entendu des secrétaires dudict seigneur conte et de tous ceulx qui sont venuz de ce cousté là, qui entendent bien la quallité du lieu, que quant bien toute la puissance de l'empereur viendroyt assaillyr ladicte terre, il seroyt mal aisé de y tenyr longuement le siège, pour estre en lieux fangeulx et acquatiques. Et oultre que il estoyt bien difïicille que ses voysins feissent si gros amas de gens sans que il en fust aultre bruict, et que s'ils tenoyent ainsi leurs gens empruntez, que encores luy povoyt-il tenyr les siens jusques ad ce que l'on entendist qu'ilz leur baillassent la solde ; et que lors l'on commenceroyt aussi à la bailler aux siens. Toutesfoiz, Sire, pour ne monstrer ne tenyr comptes des advis dudict seigneur conte, et sçaichant en quelle recommandation avez ladicte place, me suys adressé au seigneur Robert Strocy, tant pour luy demander conseil de ce que nous y aurions à faire que aussi pour nous secouryr d'argent que y sera nécessaire, attendu que de moy-mesmes ne pourroys pour ma petite puyssance faire telles advances. Sur quoy avons esté d'advis debvoir mander à la Myrandola, avant que d'entrer en despence, gens expérimentez et congnoissans en telz affaires; et mesmement y a envoyé messire Francesco de Pacy, lieutenant du seigneur Pietro Strocy, et moy avecques lui deux cappitaines que je tiens ordinairement à mon logeis, pour veoir et entendre s'il y aura lieu que l'on doibve faire en ce temps icy aulcune despense pour le payement desdicts gens de guerre ou aultres choses, et nous en advertyr de tout bien amplement de ce qu'ilz y auront trouvé avant que desbourser argent, aflin que selon leur advis voyons de nous gouverner en attendant que V. M. y ait donné meilleure provision.
« Sire, estant le seigneur conte de Sainct-Seconde en très grant peyne ainsi qu'il m'a escript, comme pourrez s'il vous plaist veoir par la coppye d'une de ses lettres que vous envoyé présentement, d'aultant que leslmpériaulx ayant entendu qu'il estoyt appointé avecques V. M. sont allez faire une complainte au pape, disant que estant le lieu de Sainct-Seconde ainsi fort qu'il est, pourroyt non seullement destourber les choses de l'empereur, mais encores celles de Sa Saincteté, de sorte que icelle avoyt eu fantaysye d'y mander ung commissaire, me pryant vous en voulloir advertyr, affm que vostre bon plaisyr fust ne voulloir permettre que pour avoir voullu devenyr vostre serviteur, il soyt ainsi ruyné; désirant fort estre résoUu de vostre bonne voullenté, affin que sellon icelle veist de remédier à son aft'aire. Il y a aussi les seigneurs Robert Malleleste et Charlo de Souillan qui ont charge de ces Seigneurs, lesquelz, ainsi qu'il m'ont faict entendre, désireroyent fort estre à vostre service, me pryans vous en voulloir advertyr, ce
470 , AMBASSADE DE [NOVEMBRE liiil]
que ay bien voullu faire, ayant entendu qu'ilz sont gens pour faire bien bons et grands services à V. M. ; dont, s'il y aura lieu de leur faire responce et s'il vous plaira m'en advertyr, je ne fauldray à la leur faire entendre ainsi qu'il me sera commandé.
« Sire, je vous ay cscripl par mes dernières lettres que les nouvelles que cez Seigneurs avoyent eues de Constantinople du partement de Barberousse; dcpuys m'ont envoyé quéryr pour me les faire entendre. Et pour ce qu'ilz ne m'ont rien dictdavantaige ne moings si amplement que vous les ay escriptes, ne m'cstenderay à vous en faire aulcune répéticion, mais bien vous diray comme j'ay esté adverty qu'ilz ont eu lettres de leur providadeur de Corfou* du \'xvi° d'octobre, par lesquelles ont entendu que le xxv" auparavant esloyt arrivée une nave de Raguse au canal dudict Corfou, le patron de laquelle se nommoyt Marco de Pesquale, de Isola di Mezzo^ qui estoyt parly le xiii° dudict moys de Constantinople; lequel avoyt rapporté comme le x" d'icelluy moys Barberousse estoyt arrivé à Gallipoli ^ avecques trente gallères où s'estoyt arresté pour deux jours. Et là debvoyt venyr Morat-Aga avec dix voilles, et puis après le xii'' se lèveroyent de là pour aller en Négroponte. Et oultre que à Ténédo '' se relrouvoyt Cyfut-Sina^ avecques quatorze voilles, lequel se debvoyt joindre avecques ledict Barberousse, de sorte que assemblées on estimoyt qu'elles pourroyent estre environ soixante voylles, et qu'elles estoyent si mal fournyes de gens pour la rame que de toutes les navyres qu'ilz trouvoyent ilz en prenoyent troys hommes, et mesmement au dessusdict patron en avoyent prins troys. Lequel a dict davantaige que au goulfe de Lépantho se retrouvoyent xii fustes de coursaires, et que il avoyt entendu d'aulcuns qui estoyent venuz desdictes fustes que les gallères de Messine en avoyent prins troys qui estoyent allées en ces eaues là pour buttiner, bien que pour certain n'en avoyent encores aulcune chose.
« Sire, je vous envoyé une lettre d'ung vostre serviteur de Millau, par laquelle entre aultres bons advertissements qui sont dedans pourrez veoir comme l'empereur n'ayant sceu mettre à exécution son entreprinse d'Algier se retiroyt en Espagne, avecques perte d'aulcunes de ses naves. Et en confirmacion de ce Tassin de Luna m'a escript que le xiiii* de ce moys passèrent par sa maison deux bourguignons, dont
1. Le provéditeiir de Venise à Corfou. Corfou apiiartint à la répulilique de Venise, de 1386 à 1797, date de son occupation par les Français. Le baile vénitien qui la gouvernait, de 1539 à 1343, se nommait Andréa Gritti. Zante, Gérigo, Tinos, et la plupart des possessions vénitiennes dans l'Archipel étaient a<lministrées par des provéditeurs ou des recteurs.
■2. Ile située dans le canal de ce nom, dans l'archipel de Zara.
3. Gallipoli, ville et port de Roumélie, à 145 kilom. d'AndrinopIe, sur la presqu'île de ce nom, à l'entrée du détroit des Dardanelles.
4. Tenedo, la Tenedos Rniique , île de l'archipel grec, située près de la côte d'Anatolie, à 24 kilom. de l'entrée des Dardanelles.
