Brescia

[mars 1542] GUILLAUME PELLICIER 559

qu'il est à ung prebslre jeune homme et peu pralicque, lequel tire de ladicte évesché environ de trente-cinq à quarentemil escutz de revenu, dont une bonne partye ainsi que j'entendz se tire dudict Trente et lieux dépendans d'icelluy. Par quoy se y pourroyt l'on bien entretenir sans qu'il vous fust de grand coust; et si ladicte ville est aussi marchande et de grand commerce que nulle auUre qui soyt en ce quartier là, et si est, après l'avoyr prinse, moyennant le bon ordre et provision que l'on y donneroyt, de telle défence, qu'on ne auroyt à craindre qu'elle fust reprinse par force, ainsi que me suys bien enquis. Par quoy, Sire, s'il vous plaist que Ton tente l'affaire, il vous plaira m'advertyr de vostre vouUoyr et de la responce que j'auray à faire audict seigneur Rodolphe de Gonzaigues.

« Monsieur Darramont et moy sommes attendans quelques personnaiges que nous espérons estre yci brief, sans lesquelz ne peult bonnement tascher de mettre à excécution l'entreprinse dont il vous a parlé; laquelle, si comme nous avons bonne espérance, vient à heureuse yssue, et que celle de Trente eust aussi bon succez, empescheroyt les passages ordinaires des Grisons et d'Allemaigne à l'empereur. Car il n'y en a poinct d'aultres, au moings qui soyent aisez et comodes, que celluy de Marran qui est desjà en vostre puyssance, et de rechief. Sire, je vous supplye m'en faire sçavoyr vostre volunté le plus toust qu'il sera possible.

« Sire, il y a aussi le seigneur Robert Mallatest, de Rymyny ^ qui m'a pryé fort instamment vous faire entendre la servitude qu'il porte à V. M. En signe de quoy n'aura esgard à l'appoinctement qu'il a de cez Seigneurs, qui est de cent chevaulx légiers à la boux'guignonne, à deux pour lance, et deux mil deux cens escutz par an de provision, ne pareillement au long service que ses parens ont tousjours faict à ceste Seigneurye, mesmement son père qui mourut conducteur d'icelle contre l'empereur Maximilian, et le père de son père ' moureut aussi leur capitaine général; qu'il ne laisse leur service, toutesfoys etquantes qu'il vous plaira l'accepter au vostre, auquel se faict fort de conduyre deux cens chevaulx légiers et mil hommes de pied, tous Italiens, très bien en ordre et d'armes et de chevaulx, et très bien excercitez à la guerre. Dont s'il vous plaira. Sire, que luy soyt faict aucune responce, je vous suplye la voulloyr faire entendre telle que vouldrez que luy soyt faicte. Quant à son appoinctement et provision, il s'en remect à V. M., estimant bien qu'elle luy sera faicte d'aultantplus advantageuse qu'il ne l'a de ces Seigneurs que vostre libéralité et générosité est grande et que congnoistrés sa suffisance le mériter.