V. p. 107, note

[mars 15421 GUILLAUME PELLICIER 57^

divulguent à présent telles lettres laisse [sic] panser à vostre singulier et infaillible jugement qui le sçaura trop niieulx comprendre que nul autre; tant seullement vous diray que cecy peult monstrer évidamant qu'ilz ne furent ainsi tuez soubdainement qu'ilz furent prins, comme Ton faict desposer audict barquerol et autres.

« Sire, despuys avoyr achevé la présente, et voullant serrer mon pacquet, est arrivé M. de Théligny ' en bonne santé. Dieu mercy, mais bien fort las et travaillé ; dont, pour le laisser ung peu repouser, n'ay eu loysir communicquer ne parler encores avecques luy, ne pareillement le temps de deschiffrer la lettre qu'il vous a pieu m'escripre. »

Vol. 2, f° 308 v», copie du xvi« siècle; 4 pp. l/i in-f".

PELLICIER A M. d'aNNEBAULT.

372. — [Venise], 25 mars 1 542. — « Monsieur, ayant esté adverty qu'il y avoyt en ce pays un des barquerolz qui avoyent conduictz les assassins des seigneurs Cézar Frégoze et Ryncon, je trovay moyen de le recouvrer; et despuys, après l'avoyr examiné et tenu quelque temps en mon logis, le fis conduyre et mener à Thurin seurement vers M. de Langey, suyvant ce qu'il m'en avoyt escript, où, ainsi que M. de Termes m'a faict entendre, est arrivé. Lequel barquerol affermoyt iceulx seigneurs avoyr esté tuez sur le lieu soubdainement qu'ilz furent prins en la barque ; mais, ad ce que on peult congnoystre, par une lettre que j'ay mis peine de recouvrer, soubscripte de la main dudict seigneur Cézar et scellée de son sceau, ainsi que afferment ceulx qui congnoyssoyent son escripture et armes, après l'avoyr encores très bien conferrée à plusieurs aultres de ses lettres que j'ay en mes mains, n'est poinct à croyre qu'ilz eussent ainsi esté tuez sur ledict lieu si promptement. Et ainsi que aucuns de bon discours peulvent comprendre, estiment que avant les faire mourir, si mortz sont, qu'on doubte plus que autrement, qu'ilz leur feirent faire plusieurs blancz signetz, pour leur en servir si bezoing estoyt. Quant au sceau dudict seigneur Cézar, ilz en pouvoyent disposer à leur plaisir, pour l'avoyr sur luy en sa pochete, lors de sadicte prinse, ainsi que ce dict ung de ses valletz de chambre qui-eschapa. Dont à présent, voyant les Impériaulx n'avoyr peu appaiser S. M., pour vouUoyr faire croyre par

1. Claude de Laval, dit le Gros Bois-Dauphin, seigneur de Téligny près de Monlmirail et de Maugasteau, maître d'hôtel du dauphin.

Second fils de Jean de Laval, seigneur de Bois-Daujjhin, il avait épouse Claude de la Jaille, veuve de Guy de Laval, seigneur de Lezay. Après la mort de sa femme, n'en ayant pas d'enfants, il entra dans les ordres, fut nommé par Henri II à l'évêché d'Embrun en 1554, et mourut avant d'avoir été sacré et d'avoir pris possession de son siège.

Téligny avait été déjà envoyé en mission à Venise en 1519 (V. Baschet Archives de Venise, p. 424).

574 AMBASSADE DE [maRS 1;j42]

tous les moyens qui leur a esté possible, qu'ilz avoyent esté tuez en les prenant, et que pour cela Sadicte Majesté n'a cessé ne cesse prochasser la restitution, l'on estime qu'ilz ont remply lesdictz blancz, ainsi que pourrez veoyr par ladicte lettre que j'en envoyé présentement au roy, pour voulloyr donner espérance de leur vie, affîn que soubz ceste coulleur S. M. retardast démettre à exécution ses entreprinses. Toutesfoys vostre meilleur jugement sçaura trop mieulx comprendre à quelles fins ilz ont ce faict que ne pourrions panser. »

Vol. 2, fo 310 yo, copie du xvF siècle; 1 p. 1,2 in-f°.

PELLICIER A l'amiral CHABOT.

373. — [Venise], 2o mars 1 542. — « Monseigneur, quand je n'eusse esté bien asseuré du bon voulloyr et affection que de vostre gré me portez, la lettre qu'il vous a pieu m'escripre dernièrement par messer Domenico Arriano, et le rapport qu'il m'en a faict m'en donne telle certitude, que voyrement me puys tenir et nommer au numbre de voz bien humbles serviteurs. Dont très humblement vous remereye et supplye m'y voulloyr maintenir, et en la bonne grâce du roy auquel j'escript présentement tout ce que ay peu aprendre despuys les miennes dernières du x"^ de ce moys; lesquelles, estant asseuré que verrez, ne vous répéteray aultrement, estimant que ce ne vous seroyt que redicte. Ne vous diray pour ceste heure grand chose davantage ; tant seuUement vous advertiray que, chairchant tous les moyens que je puys de pouvoyr faire service au roy, m'a semblé vous debvoyr faire entendre que, ayant esté esleu le magniticque Jehan Anthonio Venier pour aller ambassadeur vers ledict seigneur, aucuns des meilleurs serviteurs de S. M. sont d'advis qu'elle feist quelque démonstration du plaisir et satisfaction qu'elle en a à ceste Seigneurye, se recordant des bons offices que feist estant en semblable charge. Et ce pourra l'on faire par le moyen d'en tenir quelques propoz au magnifique Mathio Damblo ', qui est à présent vers icelle, jusques à luy dire si congnoyssez que bien soyt qu'il en advertisse sa Seigneurie. Et ancores en m'en escripvant quelque mot pour luy faire entendre de la part de S. M., l'on ne le trouveroyt que bien à propoz, tant pour la satisfaction dudict seigneur Venyer, que aussi pour faire entendre à ces Seigneurs que S. M. congnoyst très bien qu'ilz désirent luy faire chose agréable. Et ce faisant, aucuns estiment que, oultre le bon zelle et affection que ledict ambassadeur démonstre jà porter aux affaires dudict seigneur, luy pourra augmenter tousjours de plus en plus; et ces Seigneurs, voyant la faveur que le roy luy donne, seront pour luy commettre plus