Le 8 mars, évidemment
Venise. — 1340-1542. 37
578 AMBASSADE DE [AVRIL lb42J
d'ung cliascun qui le congnoyst, fort expérimenté en telz affaires et aullres de la guerre. Dont, pour ses suffisances et bonnes expériances que Ton a de luy à vostre service, m'ayant mandé yci le seigneur comte Rodolphe de Gonzagues ung sien prebstre avecques lettres telles que V. M. pourra veoyr, s'il luy plaist, par le double que j'en envoyé présentement, avons esté d advis le debvoyr envoyer vers «luy avec le seigneur Anibal Caraciolo ', pour avoyr esté asseuré de plusieurs voz bons et loyaux serviteurs cstre de long temps afectionné à vostre service. El, à dire la vérité. Sire, l'ay trouvé despuys que le congnoys estre tel, pour adviser et considérer mieulx ensemblement si les places et chasteaulx de Luzare^, loing de la Mirandola xx mille, et Pouillio ^ XXV mille, sont pour se pouvoyr tenir et garder et défendre contre ceulx qui leur voudroyent donner empeschement, affm d'entendre si, advenant qu'on en eust affaire pour vostre service, ilz seroyent seurs et à vostre commandement; car, quant à la grand comodité d'icelle, vous en ay escript par ma dernière dépesche du 25 du passé, de laquelle vous envoyé le double présentement. Despuys ledict seigneur de Gonzagues m'a envoyé ung aultre homme avecques lettres et ung commandement à luy faict par le marquis du Guast qu'il eust à vuyder dudict lieu de Luzare, dedans deux jours après la signiffication à luy faicte; et de n'entrer en aucunes terres qui fussent subjectes à l'empereur, sur grandes peines. Sur quoy luy a respondu gratieusement, pour gaingner temps; et cependant attendoyt à munir de gens et aultres choses nécessaires, ainsi que V. M. pourra veoyr par les doubles de sa responce et de la lettre qu'il m'a escripte, et aussi dudict commandement que vous envoyé présentement.
« Sire, j'ay veu lettres de bon heu venant de Rome par lesquelles s'entend que les Impériaulx solicitent Sa Saincteté pour faire le concilie; et non pour autre chose ont esté mandez appeller avecques toute instance les cardinaux absens, désignans de faire remonstrer icelluy à V. M. qu'il aye à démettre les armes pour estre le péril et l'intérest de toute la chrestienlé. Et n'y vouUant entendre, monstrer que estes alié et confédéré avec le Turcq aux dommaiges d'icelle, pour s'essayer de procedder par censures et aultres voyes qu'ilz sçavent bien user le plus souvant là où ilz ne debvroyent. Escript l'on encores que Sa Saincteté proposera à ceste Seigneurie nouvelle ligue, et cherchera pour leur bénéfice et de la chrestienté de la receuillir de nouveau avecques l'empereur. Lequel ilz disent qu'il aura 65 gallères ensemble, comprenant les six du pape et les quatre de la Religion *, bien que l'on croyt que ladicle Seigneurye ne se doibve mouvoyr plus ainsi
