Vincenzo Fedeli

[avril 1542J GUILLAUME PELLICIER 381

PELLICIER AUX MÊMES.

379. — [Venise], 3 avril 154.2. — « Monseigneur, par la dernière dépesche que j'ay faicte au roy, du cincquiesme ' de ce moys, Tay adverty de toutes nouvelles et occurances de deçà, et mesmemenl comme sur le poinct que voulloys serrer mon pacquet arriva M. de Telligny. Dont, pour ne le retarder, et aussi que ledict seigneur estoyt lant las et travaillé pour le long voyage et pluyes qu'il avoyt eues en chemin, ne communicquâmes ne conférâmes autrement pour l'heure, ensemble, de ce qu'il avoyt à me dire de la part de S. M. Par quoy, et aussi pour n'avoyr lors ancores deschifré ma lettre, ne peulx en faire aultre responce; à présent, ayant bien au long entendu de luy, et veu par ladicte lettre le voulloyr dudict seigneur, quant à Marran ^, je vous diray, Monseigneur, que luy ayant trouvé icy M. Deschenetz, avons advisé tous ensemblement et conclud de tout ce qu'il y avoyt à faire pour se gouverner à l'advenir selon le voulloyr et intention du roy, ce que certainement l'on a mis peine de faire jusques icy le mieulx qu'on a peu. Mais, Monseigneur, vous sçavez trop mieulx que en ces choses de telle importance, qu'il fault faire ainsi à l'improviste et à la haste, l'on ne peult pas bonnement du commancement y donner telle règle et police que l'on vouldroyt bien; et si convient tousjours faire les premiers moys plus grosse despence pour se fortiffîer, munir et envitailler afin de s'assurer mieulx de ses ennemis. J'espère que quant aurez veu Testât et ordre qu'on y a mis pour observer et garder doresenavant, lequel nous vous envoyons par ledict seigneur de Théligny, et que par luy aurez entendu de bouche ancores le tout mieulx amplement, que le roy et vous ne le trouverez que bon. Dont, m'en remettant à son retour, ne vous en diray aultre pour ceste heure. »

Vol. 2, f° 316 v", copie du xvi' siècle; 2 pp. in-f".

PELLICIER A M. DE VANLAY.

380. — [Venise], 4 avril i 542. — « Monsieur, depuys votre parlement de ceste ville, se sont entenduz des propoz lesquelz certainement ne m'ont pas faict peu esmerveiller; car ont esté cause que plusieurs capitaines sont venuz vers moy, très mal contantz et satisfaictz, qu'on avoyt toujours entretenuz en bonne espérance pour employer au service du roy, allégans avoyr entenduz qu'on faisoyt gens, et que en ceste ville avoyt esté baillé bonne somme de deniers pour donner aux souldars desquelz il y en avoyt qui avoyent touché argent; de sorte que, à ce que j'ai peu entendre, par les propoz qui en ont esté tenuz, l'on