Belle-Oreille, chevaucheur ou courrier

2. Le comte Giorgio Martinengo, de Brescia, surnommé par les Français le superbe Italien, l'un des principaux colonels de l'armée de Pietro Strozzi.

3. Le comte Aloysio Avogaro, autre colonel de l'armée de Strozzi.

4. Erreur du copiste; il s'agit évidemment de la dépêche du 3 avril.

[avril 1542j GUILLAUME PELLICIER 585

parler particulièrement à ceulx qu'on congnoyst plus affectionnez à vostre party, pour parvenir mieulx aux fins que nous rechairchons. Ce que avons faict le plus diligemment qu'il nous a esté possible, puys sommes allez vers eulx en collège; ausquels, aprez avoyr demandé audiance secrète, qui est le conseil de Diexe, et qu'ilz ont eu faict retirer ceulx qui estoyent audict collège n'estans dudict conseil, ay présenté les lettres de créance de V. M., qu'ilz ont faict lire et interpréter par ung de leurs secrétaires. Et ce faict, les ay premièrement remerciez affectionnément de vostre part de la faveur, support et aide qu'ilz sont accoustumez faire et donner à voz ministres passants par leurs terres, ainsi que de ma part pouvoys porter très bon tesmoingnage, comme celluy qui de fresche mémoyre l'avoyt très bien expérimenté au bezoing; car sans leur bonne provision je me feusse peu trouver en non moings grand dangier que ont faict d'aultres vostres serviteurs, de tomber es mains de ceulx qui sont coustumiers de user de toute cruaulté et infamye envers ceulx qu'ilz peulvent attraper de voz subjectz et serviteurs. Et pour ce qu'il y avoyt aucuns malins qui, pour voulloyr abaisser et vitupérer vous * affaires, alloyent calomniant et mesprisant l'intelligence qui est entre vous et le Grand Seigneur, pensant en faire leur proffict, leur faisoys entendre que jamais V. M. ne l'avoyt rechairchée, ains très instamment en aviez esté prié et requis dudict Grand Seigneur; dont, congnoyssant l'ambition et cupidité grande de l'empereur, et prévoyant ladicte intelligence pourroyt avec le temps tourner au proffict et utilité de toute la chrestienté, l'aviez acceptée pour l'aider et secourir au bezoing, comme avez très bien faict tant générallement que particuUièrement. Et entre aultres choses avoyt esté cause de la libération de la Terre Saincte et la restitution des reliques et ornemens de l'Église, de la liberté des frères qui faisoyent le divin service, et d'autres infinis paouvres chrestiens qui estoyent exclaves, et de la tresve générale de toute la chrestienté. Et aultres plusieurs bons fruictz estoyent succédez et espérez debvoyr succéder à cause de ladicte intelligence, ainsi que eulx-mesmes pouvoyent très bien sçavoyr, non que pour icelle V. M. ayt jamais empesché l'empereur es entreprinses qu'il a faictes contre les Infidelles combien que cependant si vous feussiez voullu aider de ceste faveur, eussiez peu avecques médiocres forces recouvrer ce qui est à vous par raison. Et mesmement du temps qu'il estoyt à Thunes ^ Hongrye, et dernièrement en ce voyage d'Algier, chose que eussiez peu faire avec bonne et juste cause; mais, comme celluy qui désire l'augmentation et accroyssement du bien de la chrestienté, vous en estiez gardé et n'aviez

1. Vos affaires. —Dans cette longue dépèche, Pellicier et Polin présentent au roi une sorte d'apologie de sa conduite et une véritable récapitulation des événements de ces dernières années qui est des plus curieuses.