Génois

6. Favoris, de l'esp. penserino, diminutif de ■pensero, pensée. — Cf. l'ital. pensierOy pensierino.

[décembre 1541] GUILLAUME PELLICIER 477

« Sire, par lettres que cez Seigneurs ont eues de Constantinople, de leur ambassadeur Badouare, ont entendu derechef comme Barberousse estoyt sorty hors avecques septante gallères et aultres vaisseaulx jusques au nombre de cent voilles, ainsi que vous ay escript; et davantaige qu'il estoyt à Cio, et que son lieutenant en l'arcenal estoyt mort, et pareillement Morath Aga, cappitaine des gallères ', et que ledict Barberousse demeureroyt là autour, ou bien à la Prévésa, jusques ad ce que l'empereur eust finie l'emprinse d'Algier, pour incontinant après aller faire l'entreprinse de Naples; car en ce mesme temps là V. M. se debvoyt mouvoir contre l'empereur. Escripvant aussi que le Grant Seigneur hastoyt fort son voyaige de Constantinople pour l'indisposition de sa femme, et qu'il avoyt escript qu'il y debvoyt arriver ung ambassadeur de Vostredicte Majesté qui estoyt le cappitaine Polin, auquel voulloyt qu'on feist grant accueil hors de Constantinople, pour ce que avant qu'il entrast dedans, ledict Grant Seigneur voulloyt parler à luy, ayant celluy qui porta telles nouvelles à Constantinople laissé ledict Grant Seigneur à Sophia...

« Sire, depuys avoir achevé la présente et sur le poinct que la voulloys signer, j'ay esté adverty comme cez Seigneurs avoyent eu lettres de Millau de leur secrétaire Fidel, du xxv° du passé, les advertissant avoir eu lettres d'ung sien nepveu, aussi nommé Fidel, qui est à Gennes, des xxin" et xxiiif dudict moys, par lesquelles luy faisoyt entendre que messire Adam Centurion estoyt arrivé là, lequel mal vouUentiers apportoyt maulvaises nouvelles de l'empereur. Ce néantmoings qu'il estoyt forcé de dire que la vigille de Sainct-Simon ou bien Judas, et le jour mesmes ^, estoyent péryes cent naves de l'empereur et quatorze gallères ', desquelles unze estoyent du prince Doria, et entre aultres sa cappitainesse qu'il avoyt congneue à la banière, et que l'empereur se voyant sans victuailles et privé d'espérance d'avoir secours de son armée, ayant jà son exercite mangé la pluspart des chevaulx, monta à cheval avecques sa maison pour s'aller embarcquer, ayant trouvé ung fluve qu'il luy convenoyt passer, lequel pour l'affluance de l'eaue estoyt devenu si gros que quant ilz furent dedans