Villanova d'Asti, bourg du Piémont, à 22 kilom. de Turin
se vient camper au devant de vous, il laisse derrière plus de pays en proye que nous n'en tenons, et s'il veult le laisser garny, ne luy peuvent demourer gens suffisant à tenir camp; et de là vous pouvez à l'improviste tourner la teste autre part où bon vous semblera et là où l'occasion et l'opportunité conseilleront. Le tout, Monseigneur, gist à diligence et à prévenir l'un l'autre. Parquoy je désire grandement que soiez party pour venir au temps que m'cscripvez par vostre lettre du pénultiesme, cependant que nous avons encores quelque peu de partis en main : lesquelz bienlost nous seront ostez, ou par la provision qui se y mettra, ou par la fonte des neiges qui enflera les rivières. Et diligentant noz affaires, nous pourrions en tel lieu et si souvent prendre pied que nous nourririons nostre armée aux despens de l'ennemy, et non de nostre païs qui est étroict, et lequel nous mangerons y tenant longtemps noz forces sans marcher oultre, et mesmement quand les Suisses et gendarmerye seront arrivez. Vray est, Monseigneur, que vous ne trouverez le nombre de voz Italiens bien complect, pour la difTicullé qui est de les retirer à cause du grand guet que font les Impériaulx. Et de ce que nous en avions recouvert ad ceste creue se treuve qui ne veullent recevoir argent, pour ce qu'on leur rabat ce que leur avoient avancé les cappitaines; et disent que sans se soubzmetlre au hazard des fourches', de la rame - ou de confiscation, ilz eussent en leur païs receu paiement entier.
« Vous avez piéçà sceu. Monseigneur, les criées que ont faictes Nostre Sainct Père et les Vénitiens que leurs subjectz ne viennent au service d'aucun autre prince. J'ay advis de Milan que ces deffences sont faictes à l'instance de l'empereur, qui n'a que faire d'en avoir de ceux-là, car il en peult assez avoir de Lombardye, et pense que si nous n'avons des subgectz ou dudict Sainct Père ou de ceulx de la Seigneurie, il donnera bien ordre que des siens n'en aurons poinct. Bien vous puis-je asseurer, Monseigneur, que oultre le dommaige que nous faisons à notre païs, y assemblant gens sans paiement et qui y vivent à indiscrétion, et oultre le désespoir auquel nous mectons ce peuple alors que plus le debvons mainctenir en bonne volonté, vous ahannerez bien à faire vostre nombre sans donner argent pour la levée, sinon que comme je vous dis vous usiez de diligence avant que nostre ennemy soit le plus fort, et que marchant en pays nous ouvrions aux gens de guerre le passage pour venir à nous. Mais si nous tardons tant que ledict ennemy aict uny ses forces en ceste frontière, il n'y a remède sinon d'assembler telle puissance que nous la puissions forcer, ou que pour faire diversion les serviteurs que a le roy du costé de Lombardie feissent quelque effort en icelle part : ce que vostre conseil de
