Charretées

[août 1542] APPENDICE 671

GUILLAUME DE LANGE Y AU MÊME

10, — Turin, Il août 1542. — « Monseigneur, nous commencerons la présente par ce que plus nous presse pour le présent : c'est le paiement de noz gens, duquel n'avons encores nouvelles. Nous vous asseurons, Monseigneur, que' si l'on n'y veult autrement donner ordre, il en adviendra tel inconvénient que par cy après on en mauldira l'heure. La pluspart de noz gens sont nouveaulx qui n'ont encores icy accoinctance pour trouver crédict; — et aucuns qui s'en sont allez sans paier où ilz debvoient leur ont d'autant diminué de moien d'en trouver; de sorte qu'il y a dessoldatz, beaucoup et mesmement ceulx qui dernièrement ne feirent monstre que pour douze jours, qui des deux jours l'un ne mengeassent point de pain. Les aultres en viennent demander, comme pour l'amour de Dieu, chez les ungs et les autres qui tiennent maison; les autres se desrobbent à la fille', qu'il fault aultant faire de guet à les garder comme il feroit à se garder de surprise. Nous envoyons à M. le cardinal de Tournon le double de ce que vous en escripvons, affin qu'il travaille à y donner ordre, et de vostre costé s'il vous plaist en solliciterez.

« La principale praticque dont nous estions en termes alors que vous partistes doibt estre dedans quatre jours en poinct d'exécuter; aussi seront cinq ou six autres que nous avons, cependant différons et entretenons pour ne gaster ceste-là. Mais si nous ne nous pouvons servir en ung besoing de nostre artillerye, — laquelle laissant tousjours es lieux où elle est sans autrement s'en aider, les chevaulx que nous avez laissez ne serviront icy que de despence, — nous vous laissons à penser. Monseigneur, comment nous oserons ne pourrons entreprendre exécuter les moiens qu'avons en main. Et mesmement n'ayant ung seul escu ne pour payer les gens que nous avons, ne pour le peu de monde qu'il fauldroit croistre pour la garde des places si Dieu nous les mectoit en main, ne pour paier les gastadours qu'il fauldra pour soudainement les réparer et mectre en seure deffence, ne [sçay] comment sans estre noz gens paiez nous leur ferons tenir ordre ne police en villes nouvellement conquises, ne comment sans le leur faire tenir nou s acquerrons l'amour des peuples, et ne leur donnerons occasion de regretter et chercher de recouvrer s'il leur est possible la précédente seigneurye. Sans poinct de faulte, Monseigneur, tout cecy vient beaucoup au rebours de l'espérance que à vostre parlement vous nous donnastes, et sera cause que sans la coulpe de moy Langey on pensera que tous les propos des praticques que j'ay mis en avant aient esté sans fondement *.