Mondovi
de les exécuter, en espérance que si les choses vont bien vous ne nous abandonnerez poinct. Et cependant, Monseigneur, nous vous supplions faire donner ordre que à ce prochain moys nus ayons notre assignation à temps et le remboursement de ce qu'avons emprunté; autrement nous sommes en grand danger de nous trouver bien empeschez. Aussi, Monseigneur, vous recommandons la réformation de Testât de par deçà dont nous donnastes asseurance, à sçavoir est de y faire paier deux chevaucheurs, donner quelque estât pour ung médecin, croislre la somme des cas inopinez, donner estât à moy Bottières, et à moy Langey ung peu de crève ' si vous voiez que je y despende bien tout ce que j'en ay...
« De Turin, ce quatorziesme jour d'aoust 1542. » (Allemagne, Corresji., vol. 3, f" 131 v°; 3/4 p. in-f".)
GUILLAUME DU BELLAY AU ROI
13. — Turin, 18 août 1 54.2. — « Sire, vous verrez par le mémoyre cy encloz les nouvelles que nous avons de la délibération prise par les Impériaulx de faire embarquer quatre mile lansquenetz pour Espagne : lesquelles nouvelles nous sont confermées de plusieurs autres endroictz. Le marchis du Vast en attend autres six mil qui en effect ne peuvent guières tarder à arriver, et faict son compte de bien tost nous venir assaillir avccques lesdiclz vi"^ lansquenetz, autres deux mile qui luy demeurent des vieulx, quatre mile Espagnolz et dix mile Italiens. Nous mectons peyne de faire en sorte que vous contenterez de nostre service, et de non seullement garder ce que nous tenons, mais en recouvrer davantage comme par le seigneur de Grissey nous vous mandasmes.
« Bien vous supplions. Sire, donner ordre au paiement des gens que nous avons par deçà; car, estant toujours courtz ainsi que sommes à présent, nous ne pourrions faire ce que debvons et désirons. Au demourant, Sire, vous verrez par ung autre mémoyre cy encloz^ la première depposition d'ung prisonnier que nous avons, lequel à nostre advis est pour en dire quelque chose davantage. Aussi par le cappitaine Jehan Loys, albanoys, lequel vous porte seullement ung mot de lectre, vous entendrez les causes de son allée, qui nous gardera de vous en faire ong propos...
« De Turin, ce dix-huictiesmejourd'aoust i 542. » (Allemagne, Corresp., vol. 3, f" 131 v»; 1 p. in-f".)
