M. de Boulières

[octobre 1o42] appendice 693

Je n'ay sceu comprendre la cause du malcontentemeot dudict compagnon que m'avez baillé, sinon pour ce que ledict commis ne luy faict poinct signer les ordonnances. Et je vouldrois qu'il en eust signé cinquante pour une, et je fusse rellevé de ceste peyne; mais, n'aiant aulcun pouvoir, ses signatures ne serviroient de riens audict commis ne à son maistre en la reddition de son compte...

« De Turin, ce vingtième jour d'octobre 1542. » (Allemagne, Corresp., vol. 3, f" 142 v"; 3 pp. in-f'\)

GUILLAUME DU BELLAY AU ROI

29. — 7'uriïi,22 octobre 1 542. — « Sire, vous aurez avecques la présente l'avis des cappitaines et autres de vostre conseil estans par deçà, suivant ce que avez donné charge au seigneur de Vassey. Et s'il vous plaist promptement envoyer le paiement entier de ce prochain moys avecques les deux parties qui nous sont dues, je veux. Sire, que me chasliez si, avant que vostre renfort arrive, je ne luy fais faire le chemin large. Au surplus, Sire, pour ne vous enuyer à vous rendre compte particulièrement de tous les propos que vous avez tenuz audict seigneur de Vassey, j'escriptz à M. le cardinal mon frère • pour vous en rendre compte à voz opporlunitez.

« Sire, le marchis du Vast a envoyé le seigneur Piche Colonne ^ avec deux mil hommes pour se saisir de Carre et Beynes; tant y a que es diclz lieux j'ay envoyé gens et que ledict marchis, pour cause des grosses eaues, ne luy sçauroit envoyer de renfort. A ceste cause, M. de Botlières partira demain avec cent hommes d'armes et deux cens chevaulx-leigers, jusques au nombre de Iroys mil hommes de pied, pour essayer de le rencontrer. Il me desplaist que je n'y puis estre, mais cependant je mectray peyne de me renforcer pour en après vous faire meilleur service...

« De Turin, ce vingt-deuxièsme jour d'octobre i 542. » (Allemagne, Corresp., vol. 3, f" 144; 1 p. in-f'^.)