Les grandes affaires
[décembre 1541] GUILLAUME PELLICIER 493
Sire, que la diPPiculté est si très grande de faire tenir argent par delà que cez Seigneurs mesmes sont constrainctz, quand ilz y en veullent envoyer, de le faire par gens à poste; et avecques bonne escorte, pour le danger qu'il y a non seullement par mer mais par terre. Dont vous plaira me faire advertyr de ce que je en auray à faire si d'adventure je ne pouvoys trouver par ceste voye icy le moyen de les luy faire tenyr : ce que je ne obmettray de chaircher encores en toutes façons que je pourray adviser et penser; qui ce néantmoings à tout rompre ne pourroyt estre qu'on y eust d'intérest pour le moingz quattre pour cent, comme m'a dict ledict seigneur Strocy.
« Sire, je vous ay aussi escript le doubte en quoy j'estoys du prieur de Sainct-Pol que avez dépesché vers le Grand Seigneur, pour demeurer si longuement sans avoir nouvelles de luy nonobstant quelcque dilligence que eusse faicte pour en sçavoir. Depuys je n'ay failly par toutes voyes et manières m'en informer et envoyer gentz exprez où il me sembloyt qu'on deubst myeulx entendre que c'estoyt que de luy; mais jusques à présent n'en ay pu rien sçavoir de certain, bien que l'on ayt icy de plusieurs lieux les indices si très grandes qu'il soyt venu à meschef, que l'on le peult quasi indubitablement croire. Car l'on a eu adviz que luy et toutz ceulx qui estoyent avecques luy, entre lesquelz estoyt un gentilhomme, mon voysin ', qui s'en estoyt venu par deçà avecques moy, que luy avoys baillé pour compagnye, ont esté taillez en pièces à la Pettine, prez de Jarre *; et de faict, s'il est vray ce que aulcuns m'ont dict, il y a grand vraysemblable qu'ilz se soyent perduz par ce que l'on a veu entre les mains d'ung personnage qu'on peult bien estimer avoyr faict telle meschanceté, plusieurs nobles à la rose et nobles Henry taillés par la moytié avecques escuz françoys^ lesquelz, ou pour le moingz de semblables, ledict Sainct-Pol avoyt quand il partyt d'icy. De quoy, Sire, n'ay voullu faire aulcun bruyct, d'aultant que l'on m'avoyt asseuré que ledict personnage debvoyt venyr de brief en ceste ville pour y faire ordinairement sa résidence; à tout le moingz sa femme y est, mais jusques à présent ne s'y est peu retrouver. Par quoy. Sire, ayant perdu toute l'espérance dudict Sainct-Pol, encores que par cy-devant eusse adverty monseigneur l'admirai dudict doubte, craignant ce que dessus si ledict Sainct-Pol portoyt ou alloyt pour chose de grand importance, qu'il me sembloyt en tout événement n'estre que bon de mander ung aultre qui eust semblable commission que luy, ou bien si par lettres l'on y pouvoyt satisfaire, les envoyer pour faire tenyr où besoing seroyt, vous en ay bien voulu advertyr,
