Par M. de Puylobier

:i22 AMBASSADE DE [JANVIER lo42]

s'ilz la pouvoyent recouvrer, me suys tousjours réservé jusques à présent de vous en escripre, attendant que j'eusse moyen de pouvoyr envoyer à Romme pour en faire faire expédition tout en ung coup. Pour quoy faire se en va présentement et expressément M. de Puylobier, porteur de cestes, qui pour la bonne et ancienne amitié que nous avons ensemble en a bien vouUu prendre la charge, vous priant doncques, Monsieur, m'y voulloyr aider de vostre faveur et crédict tout ainsi que estes acoustumé faire aux choses qui vous sont recommandées du roy, et que de vous mesmes très volunliers vous employez à faire plaisir à voz amis, de sorte qu'il puysse estre expédié le mieulx et plus promptement que faire se pourra. Car je vous asseure que je n'ay pas moings affaire de luy icy, pour les affaires de S. M., que j'ay de l'expédilion de ladicte abbaye, et à l'adventure plus, d'aultant que sans icelle j'espère ne perdre rien pour attendre, puysque ainsy est le bon plaisyr et voulloyr du roy. Dont tant plus toust que sera expédié, que j'espère estre par vostre moyen, tant plus grande obligation vous en auray...

« De Venize. »

Vol. 2, f" 283 V», copie du xyi^ siècle; 3/4 p. in-f'^.