Magnavacca

4. On a vu plus haut les circonstances assez mystérieuses du bannissement de M. d'Echénav.

[février lb42] GUILLAUME PELLICIER 527

deslivrer, et tous ceulx qui estoyent avecques luy, et rendre toutes les armes, me faisant démonstrance d'en avoyr esté fort desplaisans. En signe de quoy foirent mettre en prison quelques uns desdictz officiers qui y sont encores, nous accordans telles commoditez de pouvoyr mander audict Marran, qu'on s'en pouvoyt tenir pour contant, et par là congnoystre la bonne volunté qu'ilz ont à V. M. Et ledict jour au soyr icelluy seigneur Deschenay se partyt d'icy pour y reprendre son chemin, où il est arrivé; auquel a esté faict très bon recueil par ledict capitaine Turquetto, lui baillant le palais où il estoytlogé. Et peu de jours après, le camp par terre du roy FerJinando s'aprocha dudict Marran pour le vouUoyr assiéger, et de faict Nicolas de la Tour, qui en est le général, feist une aultre sommation audict Turquetto, de laquelle pareillement vous envoyé le double et la response qui luy fut faicte '. Par quoy, se doublant qu'ils ne se renforsassent par mer et par terre, fut advisé d'y donner le meilleur et le plus promptement ordre que faire se pourroyt; à quoy n'a failly le seigneur Robert Strocy de nous aider de son bon conseil et confort, et nous secourir et fornir de l'argent comme a convenu pour faire telle despence. Et pareillement le seigneur Augustin Abondio, tant affectionné à vostre service, n"a failly de conforter tousjours le mieulx qu'il a peu ledict cappitaine Turcquet, son beau-frère, pour le confirmer en sa bonne volunté qu'il a à vous faire service, de ne voulloyr pour or ne argent, exortations, parolles, menaces, changer son bon et honneste propoz. Et certainement. Sire, vous puys bien asseurer que j'ay aultant do secours dudict seigneur Ogustin ^, et à l'a^-anture plus pour vostre service, que de nul autre serviteur de sa qualité que ayez par deçà, ainsi que plusieurs foys vous ay escript. Or, pour retourner à mon propoz des provisions qu'il estoyt bezoin faire promptement à Marran, m'a semblé vous debvoir alléguer aucunes raisons qui m'ont incité et causé de ce faire avant avoyr entendu vostre volunté. Dont vous suplyeray me pardonner si en çàj'avoys faict chose qui ne vous fust agréable. Car la poeur que nous avions d'estre surprins nous y eût faict user toute diligence, — tant pour estre advertiz de divers endroictz de plusieurs traictez que ^ l'ambassadeur de l'empereur, qui est icy, faisoyt avecques certains capitaines et souldars pour, sous espèce de les faire entrer dedans en vostre nom, recouvrer ladicte place avec le moyen d'aulcuns peu féaulx qui y estoyent, lesquelz a esté bezoing changer et muer, et y en mettre d'aultres, — et aussi pour avoyr esté adverty par M. de Termes en d'autres endroictz de la résolution du marquiz du Guast, Grandvelle, Doria, y a esté mandé munitions, tant de salmestres, pouldre de arquebouze, armes, artillerye, toutes sortes de vivres et aultres choses