Le recteur ou gouverneur vénitien de Vérone
3. Gamillo et, Valerio Vicini? condotliiri au service de la république de Venise.
566 AMBASSADE DE [maus io42]
que d'eulx comme particulliers luy voulloyent faire tout Thonneur et recongnoyssance appartenent à un tel prince; mais que en matière de chose de guerre et de bon souldard, ilz n'entendoyent que ne luy ne autres leur deussent estre préférez auprès de ces Seigneurs. Dont, quant ilz le vouldroyent faire général, ilz prenoyent dès lors avec tous leurs adhérens congé de ceste Seigneurie. De quoy le pryôrcnt instamment voulloyr de leur part advertir cesdictz Seigneurs, vous advisant. Sire, que j'entends que ces Seigneurs sans bien grand cause ne lairront aliéner d'eulx la case vosine pour estre chefz de la part guelfe, laquelle ces Seigneurs tiennent, et avoyr eu long service d'icelle case, mesmement desdiclz seigneurs. Et sur ce propos. Sire, vous diray comme y a quelques moys que avoys escript à V. M. le désir et affection que le seigneur Paulo Voysin, filz dudict seigneur Camille ', avoyt d'estre à vostre service; sur quoy, ne sçaichant la voullunté du père, et aussi craignant qu'il deust muer de volunté, m'estoys retenu vous en ramentevoyr autrement; mais à présent ayant entendu que si le filz en a bien grand cnvye, que le père ne le désire pas moings, m'a semblé ne debvoyr obmettre, suyvant la grande instance qu'il m'en faict, à vous en escripre derechef et advertir que oultre le bon moyen qu'il a d'avoyr bons soudars et gens de guère, que ancores a il à son cornmandement quelques cliasteaux et places qui pourroyent servir au bezoing et faire grandes commoditez. Et, ainsi que l'on peult conjecturer, il n'y a homme qui fust plus près d'estre général de ces Seigneurs que sondict père, s'ilz en voulloyent faire ung; par quoy V. M. entendra trop miculx s'il feroyt à propoz pour son service. Dont ne luy en diray autre, sinon la suppliant me voulloyr faire entendre son bon plaisir le plus toust qu'il sera possible, afin de luy pouvoyr donner responce, combien que, ainsi que suys adverty, le seigneur Jehan Paulo de Cerri sera pour vous en tenir plus ample propoz.
(' Sire, ayant esté adverty qu'il estoyt party ung brigantin de Raguse qui m'aportoyt lettres du Levant, m'estoys retenu despuys troys ou quatre jours à vous mander la présente dépesche, pensant d'heure en heure (ju'il deust arriver; ce néantmoings, voyant qu'il tarde tant, n'ay plus vollu délayer à vous faire entendre ce que l'on a icy de ce cousté. Et mesmement comme par ung brigantin venu en quinze jours de la Caura de Candie l'on a entendu que là estoyt arrivé une navire venent freschement de Constantinople, qui avoyt raporté pour certain que le Grand Seigneur armoyt une plus grosse armée que oncques feist, en la plus grand dilligence que l'on veid jamais, et que ses gens à cheval en la Morée et lieux circonvoysins avoyent esté mandez se lenyr prestz, lesquelz ne fauldroyent se partir à la my apvryl. En confirmation de quoy j'ay receu une petite lettre de M. l'arcevesque de Raguse, du pre-
