Il faut lire « du vingt-cinquiesme de mars

2. Les mois imprimés en italique sont chiffrés dans la dépêche.

sçayt quasi aussi bien l'entreprinse que avez désigné de faire que vous mesmes. Et de faicl y en a de ceulx qui en ont receu lesquclz, après avoyr sceu la venue du seigneur Pietro Strozzi, sont allez versluy pour s'oflVir s'il les voulloyt recepvoyr soubz sa charge, et qu'ilz rendroyent l'argent qu'ilz avoyent eu en vostre nom. Vous sçavez bien la dificulté que je y feis, attendant l'advis de M. le capitaine Polin, vous advisant que je ne Tay jamais accordé sinon en tant qu'il le trouveroyt bon; et m'asseurasles que. tel estoyt son advis, allégant pour tesmoing M. de la Mothe. Mais quant s'est venu, que je luy en ay parlé en présence dudict seigneur de la Mothe, ne l'a pas advohé; ledict seigneur de la Mothe n'a pas aussi confirmé voustre dire. Nous avons de rechief despuis consulté et délibéré le tout avec ledict seigneur Strozzi ; mais l'on la trouve à présent plus dangereuse et moings au service du roy que auparavant, attendu mcsmcment que la chose est desjà tant divulguée qu'il est à croyre que les ennemis ne fauldront à y prouveoyr et obvier. Par quoy je vous prye de panser bien ce que en avez à faire; car quant à moy, je n'y entendz rien, sinon aultant que ceulx qui ont la charge, puyssance et sçavoyr m'en font saige. Je ne vouldroys poinct que pensant décepvoyr aultruy l'on se déceusl soy-mesmes. Dont vous advise que je n'estime poinct y avoyr par ce moyen là consenty ne consentz, eu tant que bezoing seroyt en proteste s'il en advenoyt aucun désordre, dommaiges ne intérestz. »

Vol. 2, f" 317, copie du xvi« siècle; 1 p. 1/i in-f°.

PELLICIER A M. D ECHENAY >.

381. — [Venise], 7 avril 1 549. — « Monsieur, estant arrivé icy M. le capitaine Polin, m'ayant communicqué aucunes choses de par le roy touchant Marran, avons esté d'advis vous escripre la présente pour vous prier, incontinent icelle receue, vous en venir par deçà afin de communicquer et adviser tous ensemblement ce que nous avons à faire pour mettre à exécution le voulloyr et intention de S. M. Et pour ce qu'il vous a esté mandé donner advis de toutes les provisions et munitions qui sont dedans ladicte ville, avons pryé M. Darramont, présent porteur, et le capitaine Espaignolet se transporter jusques là pour en faire ung inventaire. Dont, cependant qu'ilz y seront, il vous plaira donner charge audict seigneur Darramont de s'en prendre garde en vostre absence de ladicte place jusques à vostre retour que sera de brief, attendu mesmement que M. vostre frère n'y est poinct ne aultre que Ion se doibve mieulx attendre que audict seigneur Darramont. M. de la Mothe est après pour pourveoyr aux choses que luy avez donné charge; à quoy