Tunis

586 AMBASSADE DE [ayril 1542]

manqué de vostre part de faire comme ung chascun sçayt tout l'eflfort et debvoyr qu'il estoyt possible pour resduyre en tranquilité et union toute la chrestienté. En récompance de quoy icelluy empereur vous avoyt toujours rendu mal pour bien, vous usant d'injustice et manquement de foy, mesmement quand il vint assaillir la France tant injustement et inicquement avecques toutes ses forces et de ses amis allez et confédérez qu'il avoyt mis ensemble, faignant d'aller à quelque entreprinse contre le Grand Seigneur. A quoy V. M. avoyt résisté tant vigoreusement, sans aide d'aucun prince estrangier, que les repoussastes de la France avec grand perte de ses gens et réputation. Et peu après V. M. vint en Italye avec tel numbre de gens que les ennemis n'estoyent pour vous résister; loutesfoys vostre naturelle bonté, voyant l'évident dommaige que en pouvoyt recepvoir le paouvre peuple du pays, advisastes pour son sollagement de raveoyr plus toust ce qui est à vous par amitié que par forces, sans laysser ainsi ruyner et dommaiger du tout icelluy pays : qui fut la principalle cause, avec la persuasion de Nostre Saincl Père, que vous désistâtes de vostre entreprinse, moyennant aussi la promesse que l'empereur vousfeist par son ambassadeur de rendre à monseigneur d'Orléans la duché de Millan comme estant de son vray patrimoyne. Et là-dessus fut traictée une tresve entre voz deux Majestez durant laquelle, pour les grans et urgens affaires que l'empereur avoyt en ses Pays-Bas de Flandres et Allemaigne, luy convint nécessairement aller passer par vostre royaulme où luy fut faict par V. M. et tous voz subjectz tant d'honneurs et caresses que n'est possible de plus, estimant non seuUement garder et observer ladicte tresve, mais encores faire une si eslroicte amitié ensemblement que à tout jamais entre vous et les siens deust demourer une paix perpétuelle. En récompense de quoy, en lieu de vous rendre bon guerdon, avoyent esté tuez en ses pays par ses ministres plusieurs serviteurs de V. M., et faictz aultres portz d'armes contrevenantes à ladicte tresve et à son serment, lequel n'est guère coustumier de observer. Car desdictes contraventions on luy avoyt faict apparoyr, par bonnes informations prinses avecques son maistre de camp de sa part, et moy de celle de V. M. lesquelles je luy avoys portées moy-mesmes, sans que jamais en ayt esté faict aultre justice; qui faisoyt croyre le tout avoyr esté faict de son sceu et consentement, ensemble plusieurs aultres infinies entreprinses que ses ministres avoyent tasché de mettre à exécution sur voz terres et 'places, ainsi que journellement estoyent descouvertes, n'obliant aussi à leur ramentevoyr et mettre advant Tassassinement des deffunctz César Frégoze et Rincon, et du seigneur de Sainct-Paol avec ung aultre gentilhomme françoys qui s'en alloyt avec luy, et la continuation de telz insultz qu'ilz faisoyent, voyre jusques sur les terres de cestedicte Seigneuryc, ainsi qu'on avoyt peu veoyr ces jours passez qu'ilz avoyent faict des gen-

[avril 1S42] GUILLAUME PELLICIER 587

tilzhommes françoys, et ont voullu faire à moy-mesmes, comme vous ay escript. Dont à présent ne voullant plus suporter semblables tortz et griefz, et voyant son insatiable ambition et le peu de foy et seureté qui est en luy, considérant aussi les forces que a en Italye, et les intelligences aux terres de l'Église que, advenant le décès de Sa Saincteté, se pourroyt facillement empatronir et faire seigneur absolut de Testât temporel d'icelle Église, et par ce moyen là mettre et réduyre en servitude les républicques qui sont ancores en liberté sur lesquelles il avoyt espéré de longtemps et espéroyt journellement, comme il avoyt faict plusieurs aultres qui sont en Italye soubz coulleur de liberté, — V. M. m'avoyt commandé, pour obvier à toutes ces choses, tant pour le bien de voz affaires, seureté et augmentation de leur estât, et aussi pour la tranquilité de toute l'Itallye, les rechaircher d'une bonne ligue, confédération et aliance, ainsi qu'ilzavoyent eue par le passé avecques V. M., laquelle n'avoyt jamais esté rompue de vostre cousté, s'asscurant bien qu'ilz ne la reffuseroyent, congnoyssant que cela leur relourneroyt aultant ou plus à honneur et proffîct que à V. M., comme particullièrement ilz pourroyent entendre par M. de Montpellier et moy. Et pourroyent estre certains que, ayant leurs forces assemblées avecques les vostres, non seullement seroyent suffisantes pour asseurer leurs estatz, mais pour les augmenter, estans celles de V. M. plus grandes que ne furent oncques, ayant très grand numbre de gendarmerye, gens de pied, intelligence aux Allemaignes vers les Souisses et Grisons, et par mer bon nombre de gallères et plusieurs nefz et gallions, et vos fortresses faictes de sorte qu'il ne sera bezoing séparer voz forces comme en aviez esté contrainct par le passé. Et pareillement de ce que estoit le fondement de pouvoir maintenir et soubstenir la guerre, c'est de vostre bonne et grosse somme d'argent et moyens pour en recouvrer avec la porte et entrée en Italye. Par quoy les prioys donc de vostre part se voulloyr séparer de celluy qui avoyt tousjours tasché et tascheroyt à leur ruyne, ayant jà pour avoyr cédé en ses fallaces par elles souffert groz dommaiges et intérestz tant à leur honneur, personnes que biens, et se unir avec V. M., embrasser sa magnanimité et libéralité maintenant la justice, de laquelle avoyent tousjours esté vrays amateurs. Et aussi pour la libération de la Provence, considérant aussi la vraye amitié que V. M. leur avoyt tousjours porté et porteroyt à jamais, comme vray amy et protecteur de ceste républicque, leur en promettant bailler telle seureté qu'ilz sçauroyent adviser. Sur quoy, Sire, nous feirent responce généralle à l'acoustumée. Premièrement, qu'ilz estoyent tous asseurez que suyvant vostre naturelle et accoustumée bonté, V. M. n'avoyt jamais accepté ceste intelligence avecques le Grand Seigneur, sinon en très bonne intention et pour la commodité et profQct de toute la chrestienté, ainsi que par les effectz donniez ordinairement très bien à congnoystre, convenant au nom de

588 AMBASSADE DE [aVRIL 1542]

christianissime. Et quant aux différens qui estoyent entre V, M. et l'empereur, en estoyent très desplaisans de veoyr que Voz Majestez, estant parens et alliez ensemble, fussent aussi en question; et touchant la ligue dont nous les rechairchions, verroyent de s'assembler selon leur ordre et coustume pour se résouldre de la responce qu'ilz auroyent à nous faire.

« Sire, je vous ay escript comme, suyvant le bon voulloyr que le seigneur Rodolphe de Gonzagues démonstre avoyr à vostre service, nous avoyt faict entendre que eussions à mander gens en aucunes de ses places, mesmement Luzare et Pouillio \ pour veoyr s'ilz feroyent à propoz, advenent qu'en en eust debezoing; ce que avons faict sçavoyr à M. Darramont, et le seigneur Hanibal Carciolo ^ Lequel Darramont est despuis retorné ; qui nous a faict raport ledict lieu de PoUio estre place forte commode pour vostre service, mesmement pour les choses de la Mirandola, et que, moyennant quelques petites réparations. Ton la feroyt faire dedans vingt jours l'une des plus fortes de tout ce pays-là, et par son moyen l'on se pourroyt empatronyr d'ung chasteau nommé Sabionnète, qui est sur le Pau ^, aussi fort et à l'adventure plus que nul autre qui soyt sur ceste rivière là. Dont, pour donner couraige audict de Gonzaigues, meilleur moyen et occasion de vacquer à la fortiffîcation de ladicte place, et aussi pour l'entretenir tousjours en ceste bonne voulunté, attendant avoyr responce de V. M., voz meilleurs serviteurs qui sont icy ont esté d'advis que si d'adventure il faisoyt instance d'avoyr quelque secours, de luy faire fornir quelque somme d'argent par main tierce : ce que avons faict par ung de voz serviteurs qui la luy a baillée comme sien propre et en son nom, sans faire entendre que ce fust de vostre part. Quant est de Luzarre, pour estre fort grande place, eust esté de grand despence pour tenir, à cause qu'il eust fallu grand numbre de gens pour la garder; dont a l'on esté d'advis qu'il n'eust à contester au commandement que luy a mandé le marquis du Guast, duquel ay envoyé le double à V. M. Toutesfoys l'on espère que pour cela ladicte place ne laissera estre tousjours à vostre commandement, ayant mis ordre de s'en saisir toutesfoys et quàntes que l'on voudra, ainsi que a raporté ledict seigneur Darramont. Et a dedans vivres en telle quantité qu'ilz seroyent sufTisans pour nourrir assez longtemps une bien bonne et grosse masse de gens. Laquelle voulant faire V. M. sur les terres de la Mirandola, ledict marquis du Guast ne fault de chercher tous les moyens qu'il peult de l'empescher; et, pour ce faire, a faict venir troys cens chevaux légiers là autour sur les pays du seigneur Cagnyn de Bauze *, lesquelz, ainsi que avons esté adver-