Majorque

[décembre 1541] GUILLAUME PELLICIER 475

par mer et par terre, de sorte que en toute dilligence faisoyt désembarcquer Fartillerye, victuailles et municions. Mais cependant luy survint une fortune fort grande et impétueuse qui dura une nuict, ung jour et demy, durant lequel temps s'estoyent perdues et rompues xiiii gallères, xi du prince Doria ', la cappitainesse de Naples, une de Anthoyne Doria, et l'aultre d'Espagne, et environ quarante naves de gabia ~ etaultres barcques et petyz vaisseaulx jusques à la somme de cent. Quoy voyant ledict empereur se leva de ladicte entreprinse, et se retira en Maiorica pour passer en Espagne, avecques voullenté de revenyr à ce temps nouveau faire une aultre entreprinse audict Algier. La plus grant part des naves perdues sont dEspaigne, qui estoyent avecques une ancre seullement, dont n'ont pu résister à la fortune comme ont faict celles de Gennes qui en avoyent deux par ordonnance de Doria. Toute la chevallerye s'est perdue pour n'avoir eu le temps de embarcquer les chevaulx, et pour lever plus dé personnes gectèrent en la mer les municions des gallères. Qui pourroyt bien estre la cause du grant effrayement desimpériaulx que vous ayescript dernièrement, et mesmement de l'ambassadeur de l'empereur qui est icy ; car ceulx qui m'en ont adverty m'ont bien osé asseurer que lesdictz Impériaulx avoyent eues dès ce temps là telles nouvelles, lesquelles sont d'aussi grant importance voyre plus, à l'estimacion de tout le monde excepté des Impériaulx qui font semblant n'en tenyr pas grant compte, que nulle aultre qui soyt arrivée long temps a. « Dont ay escript pour l'importance d'icelles à M. l'évesque de Raguse vous faire tenyr mon pacquet en toute dilligence. De France n'ay eu aultre chose depuys que vous ay escript... »

Vol. 2, f° 200 yo, copie du xvF siècle; 2 pp. in-f°.

PELLICIER AU ROI ^.

312. — [Venise], 4 décembre 1541 . — Pellicier fait le récit de la malheureuse expédition de Charles-Quint contre Alger, dans les termes de la dépêche adressée au capitaine Polin le 1" décembre.

«... Ce néantmoings par lesdictes lettres de Rome s'entend à présent que les Impériaulx monstroyent n'en tenyr pas grant compte, d'aultant qu'ilz ne s'estoyent perduz que de vaisseaulx, disans qu'il y en a tant en Bisquaye * et aultres pays de la subgection de l'empereur que bien tostse peult amender tel dommaige, et que les municions et victuailles perdues estoyent destinées pour consommer à ceste entreprinse. Ce