Par le cappi laine Turcquetto

[avril 1542] GUILLAUME PELLICIER 595

rendre à bonne heure par deçà aux lieux où il vous plaira qu'il soyt employé à vostre service. »

Vol. 2, fo 323 v", copie du WF siècle; 3/4 p. in-f.

PELLICIER A l'amiral CHABOT, A M. D'aNNEBAULT, AU CARDINAL DE TOLRNON ET A LA REINE DE NAVARRE.

391. — [Venise], 36 avril 1542. — Nouvelle recommandation en faveur du capitaine Turchelto, qui s'est employé à la prise et conservation de Marano.

Vol. 2, f° 324, copie du xvi'^ siècle; 1/3 p. in-f'^.

PELLICIER AU ROI.

392. — [Venise], 28 avril i 542. — « Sire, nous vous avons escript comme nonobstant que eussions escript et instamment prié le seigneur Rodolphe de Gonzagues ne nous debvoyr venir trouver, pour ne donner suspection ne jalousye aux Impériaulx du voulloyr et desyr qu'il a de vous faire service, ce néantmoings ne s'est peu garder de y venir. Quoy entendant, l'embassadeur de l'empereur le manda quérir pour aller parler à luy, ce qu'il ne voullut faire. Dont, peu de jours, l'on ne sçayt si cela en fut cause, ou pour quelles aultres raisons, le marquis du Guast lui feyt faire tel commandement, que V. M. pourra avoyr veu, qu'il eust à vuyder de la place de Luzare, ce qu'il feist, l'ayant trouvé par conseil pour n'y avoyr allors lieu de contester. Et se retira à Pouillio soubz la jurisdiction de l'Esglise; auquel lieu avoyt faict venir pour sa seureté quelque numbre de gens, et commençoyt à le faire fortiffîer, mais monseigneur le légat de Parme luy feist aussi ung aultre commandement de par le pape, qu'il eust à en vuider luy et tous ses gens; ce qu'il feist, vouUant obéyr à Sa Saincteté. Ce néantmoings despuys, comme j'ay esté adverty par luy, non contant de ce, ledict légat, désignant destruyre et ruyner du tout ladicte place, y debvoyt mander deux mil gastadory, et troys cens souldars pour la raser jusques aux fondemens, et ce d'aultant que ledict seigneur de Gonzaigues, ainsi que le commun bruict est par deçà, s'est démonstré inclin et affectionné àV. M. De quoy n'avons failly advertir M. de Rodez afin de tenir telz propoz à Nostre Sainct Père qu'il sçayt bien adviser. Et mesmement que ce seroyt confirmer ce qu'on faisoyt entendre à V. M. touchant à la neutralité que Sa Saincteté voulloyt garder entre vous et l'empereur, attendu que sans aucune désobéissance que eust jamais faicte ledict seigneur de Gonzaigues, on luy usast telle rigueur pour la jalousie que l'on a eu de luy à cause de V. M. Et pareillement en avons aussi escript, en la meilleure forme que avons peu adviser, à monseigneur le légat de Parme, le priant y avoir esgard. Pour lequel

animer encore davanlaige contre ledict seigneur de Gonzaigues, les Impériaulx n'ont failly de faire couryr ung bruict que V. M. taschoy t et faisoyt quelque menée pour vous empatronyr de ladicte ville de Parme, et que pour ce faire aviez attiré et prins à vostre service le seigneur comte de Sainct-Seconde et ledict seigneur de Gonzaigues, comme personnaigcs qui pour en estre voysins eussent plus aisément peu mettre telle chose à exécution. A quoy, Sire, n'avons failly de rabatre et faire entendre à ung chascun le contraire, et que V. M. n'estoyt pour tascher à telles choses. Et se voyant à tel party ledict seigneur de Gonzaigues s'en est retiré devers M. le comte de la Mirandola comme son prochain parent et grand amy, lequel nous a aussi escript vous debvoyr faire entendre le désir et affection que le seigneur Guisberl de Sassolle * a de venir à vostre service. Duquel on se peult grandement prévalloyr tant de sa personne que d'une place qu'il a à XXV milles de la Mirandola appellée Sassolle *, de laquelle est seigneur absolut, n'estant en la jurisdiction de nul aultre prince d'Itallye que l'on saiclie; fors quant elle debvroit tenir de quelqu'ung, ce seroyt plustoust de monseigneur le duc de Ferrare, à cause de la compté de Carpy ^, duquel on ne doibt espérer que faveur, ainsi que à nostre advis V. M. pourra estre informée plus amplement par ce que vous en a escript ledict seigneur comte de la Mirandola, qui nous a priez vous escripre et supplier que, à l'advenir, soyl donné ordre et provision plus à temps au payement de ses chevaulx légiers et cent hommes de pied que Ton a acoustumé. Car à ceste dernière paye le trésorier et contrerolleur y sont arrivez deux moys après le quartier escheu : qui donne ocasion de tenir les soudars en moings bonne volunté. Et jà nonostanl quelque provision que y eussions donnée, ainsi que nous vous avons escript, s'en estoyent partiz six ou sept chevaulx légiers, et allez prendre party ailleurs. Dont s'il vous plaist, Sire, que nous retenions l'argent qui avoit esté consigné pour faire ladicte paye du quartier passé, laquelle aurions jà faict faire comme aurez peu entendre, ce seroyt pour satisfaire le quartier prochain qui escherra d'icy à ung moys. Et de ce M. le comte nous a grandemant incité de vous en supplier, et de nous advertyr comment l'on aura doresenavant à pourveoyr tant ausdictz chevaulx légiers que gens de pied. Nous vous avons aussi escript comme avons envoyé argent pour achapter de salmestre \ qui en a faict prendre, ainsi que le gentilhomme que