Le général des Obser van tins, Vicente Lunello

2. Anne de Parthenay, fille de Jean V de Parthenay, seigneur de Sou bise, et de Michelle Saubonne. Elle avait épousé en 1534 Antoine de Pons, comte de Marennes, baron de Mirabeau, premier valet de chambre du roi, qui fut dès lors attaché, ainsi que sa femme, à la maison de la duchesse de Ferrare. Madame de Soubise, ancienne fille d'honneur de la reine Anne de Bretagne, et gouvernante de Renée, était rentrée en France au commencement de 1536; M. de Pons ne fut rappelé qu'en 1539, et retourna à Ferrare dans les derniers mois de Tannée suivante (V. E. Rodocanachi, henée de France),

PELLICIER A CESARE FREGOSO.

84. — [Venise]^ 16 novembre 1540, — « Monseigneur, la longue expérience que avez tousjours donné à congnoistre à ung cbascun de Tardent et parfaict désir que portez à S. M. m'a tant asseuré de vostre fidélité qu'il me sembleroyt, usant de belles et longues paroUes, entrer en sérimonyes aultres que nostres. Dont tant seullement vous en remercyeray très affectueusement, et vous diray que si mon souhaicl avoyt lieu, je désireroys que toutes les récompences et bienfaictz que le roy a faict & ses serviteurs feussent aussi bien coUoquez et employez que en vous. Car je pence que ce seroyt Tune des plus grandes fellicitez que on sçauroyt désirer à S. M., congnoissant de combien telz instrumentz luy peulvent servyr en cest endroict, ayant telle aifection à icelle que tousjours j'ay trouvé, mais encore dernièrement plus que jamais, par la lettre qui s'adressoyt es partyes de Levant. Laquelle eust peu grandement valloir et proffitter si plus tost eust esté mandée; mais, comme pourrez veoir et congnoistre présentement, pourroyt estre mandée ung peu bien tard, estant les choses au poinct qu'elles sont. Bien Vous diray que, ainsi que ay esté adverty, Taultre lettre qui fust envoyée par cy d'avant fut présentée où elle s'adressoyt; mais jamais on n'en feist aulcun semblant, ne n'en fut oncques parlé ne communicqué, ains a l'on faict les choses le plus sccrettement que Ton a peu sans appeller aulcunement ses amys en ceste conclusion. Toutesfoiz l'on me donne bonne espérance des affaires, lesquelles ne sont à l'aventure comme ung chascun les pence, et a esté remis la recongnoissence des bons offices et bienfaictz à. l'honnesteté de ceulx qui les ont receuz. Au demeurant, je vous envoyé ung double des articles du traicté de la paix ainsi que l'ai peu recouvrer, où est contenu tout ce que s'en peult sçavoir. Pareillement vous envoie ung double d'une lettre escripte à M. le marquis de Languillare* par ung nommé Philippo, qui est sur l'armée de Barberosse, par laquelle pourrez veoir le progrez et succez de leur entreprinse, en conformité de ce que m'en avez escript. Et pour ce, Monseigneur, que suys bien asseuré que serez amplement adverty d'aultre que ae moy de toutes les aultres nouvelles et occurrences de deçà, ne m'estenderay à vous en faire plus long propoz; mais viendray à vous parler de mes affaires particuUiers, comme celluy qui les a aussi à. cher comme chascun a accoustumé d'avoir les siens propres, et vous remercyer très humblement de la cure et sollicitude que je congnoys que en avez, vous supplyant tant qu'il m'est

1. Don Juan Fernanrlez Manrique, quatrième comte de Caslaneda et second marquis d*Aguilar, avait remplacé à Rome, comme ambassadeur de Charles-Quint, le comte de Cifuentes, en novembre 1536. Il y demeura jusqu'en 1541 (State papers, Spanish, 1538-1542, pp. xxui à xxvii).

[novembre 1540] GUILLAUME PELLICIER 153

possible me faire ce bien de me voulloir hardiment et sans aulcune rétencion advertyr de ce que en entendrez. Car il y a si longtemps que ne receuz aulcunes lettres de la court, fors du roy et de monseigneur le connestable, sans en avoir eu de mon solliciteur ne amys de là, que je m'en treuve grandement esmerveillé et pence que la fauUe peult estre procédée pour Tabsence de mon agent de Lyon à qui ils les soûlloyent addresser pour me faire tenyr. Par quoy, Monseigneur, de rechef je vous supplye si en avez rien m'en voulloir faire part ; car, comme Ton dict, ung homme adverty en vault deulx, et cela me pourra servyr contre ceulx qui me pencent nuyre et desplaire, sans que jamais je aye eu tant de loysyr de pencer bien ne mal d'eulx. Je ne sçay quelz ilz sont, sinon que je me doubte de quelques ungs. Desquels, Dieu mercy, je ne me soulcye pas beaulcoup de tout ce qu'ils sçauroyent faire; car me suys de longtemps deslibéré et confirmé de ne despendre point de l'appétit de telles gens. Aultrement, je seroys par trop esclave de servyr à leurs plaisyrs, et me souffira bien d'avoir, soabz Dieu, la bonne grâce du roy et de ses meilleurs serviteurs. Si Vostre Excellence trouvoyt bon m'advertyr qui sont ceulx là, je l'en sapplyerois de tout mon cœur affin de me donner de garde d'eulx. La grande hardiesse que je prends vous en escrire si instemment est la bonne et vraye amytié que j'ay tousjours congneue que de vostre grâce me portez, et la cure qu'il vous plaist avoir de mon honneur... »

Vol. 2, f* 80 V*, copie du xvi* siècle ; 2 pp. in-P».

PELLICIER A RINCON *.

85. — [Venise], i 9 novembre 1540. — « Monsieur, le xn* de ce moys arriva icy Janezin, avec une petite lettre de vous seullement en recommandation des facteurs de Azamo * qui sont icy, me disant que aviez dépesché ung courrier expressément auparavant qu'il se partyt de Ck>nstantinople pour nous apporter les nouvelles de la paix d'entre cez Seigneurs et le Grant Seigneur ; dont feuz en quelque doubte, pour ce qu'il n'estoyt arrivé aussi tost que ledict Janezin. Mais comme Dieu voullut ledict jour sur le soir, comme j'estoys aprez pour faire une dépesché au roy pour l'importance de la nouvelle, arriva ung brigantin avecques vostre pacquet, ouquel en trouvé ung pour S. M.,, que ne faillys incontinent en toute dilUgence mander jusques à Turin pour luy faire tenyr, ayant bien vu et noté tout ce que m'avez escript, tant sur les poinctz et articles de ladicte paix que aussi sur la diversité des

1. • Escript ce dict jour à M. l'arcevcsque de Raguse et messer Petréio, et aussy à M. de Villegagnon en Constantinople. »

2. Demetrios Azamo ou Azani, comme il est appelé plus loin (dépêche 98), était probablement un négociant grec établi à Constantinople.

154 AMBASSADE DE [NOVEMBRE i540j

lettres que vous en ay par cy devant eseriptes. Et quant ad ce que M. de Yaulx vous avoyt escript avoir perdu et oblyé par chemin le pacquet que le seigneur Badouare luy avoyt baillé pour apporter à ceste Seigneurie, il est vray qu'il le pensoyt ainsi, et m'en mist en non petit pensier*; toutesfois je ne m'en hasté que bien à poinct. Dont depuys en attendant à voir s'ilz en feroyent aulcune plaincte, je fuz adverty qu'ils Tavoyent receu, et que luy mesmes Tavoyt baillé, non sçaichant que ledict pacquet s'adressoit à la Seigneurie, pour ce qu'il estoyt subscript seuUement au duc de ceste ville '. Et le bailla ainsi souldain qu'il fust arrivé icy, sans m'en advertyr ; parquoy n'y eust eu lieu que je fusse allé excuser ladicte chose, comme aulcuns estoyent d'adviz. Quant est du plaisyr et contentement que cez Seigneurs ont eu de ladicte nouvelle, je vous diray que ilz ont faict démonstration d'en eslre merveilleusement satisfaictz et consoliez. Lesquelz m'envoyèrent le jour mesmes ung de leurs secrétaires pour m'en congratuller, et remercyer bien affectueusement S. M.,sçachant très bien que sans la faveur d'icelle, et les bons offices que ses ministres y ont faictz, mesmement vous plus que tous ensemble, encores qu'elle leur soit chère, ne l'eussent obtenue à si bon marché : ce que je ne faulx à faire très bien entendre partout où il est besoing. Toutesfoiz je ne dictz pas que pour cela, continuant tousjours en mes derniers propoz, ilz soyent pour se déclarer de nostre cousté, ne aultrement faire que ainsi que m'escripvez. Je verray avecques le temps de quelle voullenté ilz seront. De quoy ne fauldray & vous advertyr au jour lajournée, et sur ce propoz vous diray que à mon adviz ne faull point trouver par trop estrange si en ay escript selon la diversité des temps et propoz diverses lettres; car, comme vous sçavez trop mieulx, ce monde icy n'est pas tousjours en* une mesme oppinion, et ce que vous en ay mandé journellement a esté selon la saison dudict temps et que entendoys passer les affaires, tout ainsi que je vous ay escript d'aultr es choses : mesmement comme cez Seigneurs du commencement se faisoyent entendre qu'ilz se fussent plus tost habandonnez en proye et buttin quelconque fust, que de bailler Napoli de Romanye et Malvasye. Toutesfoiz, pour en avoir veu depuys le contraire, n'ay trouvé absurde de vous l'escripre et changer d'adviz. Pareillement a esté ung temps que l'on espéroyt les affaires d'entre Leurs Majestez passer aultrement qu'ilz ne sont en termes maintenant. Par quoy semblablement suys esté contrainct de vous en escripre choses différentes, desquelles si les affectionnez serviteurs de S. M. qui sont icy estoyent en telle délibération que vous avoys escript auparavant que eussiez receu mes lettres par Janezin, et depuys pour bonnes causes ilz ayenl

i. InciuiéUide.