Paolo Giustiniani

[décembre 1540] GUILLAUME PELLICIER 187

lettres de M. Tévesque de Lodes*, lequel j'ay tousjours trouvé grandement adonné à vostre service et ayant bon accedz envers Nostre Sainct Père, et aultres des plus grans de sa court, m'a faict entendre que lorsque Sa Saine te té eust les nouvelles de la paix de cez Seigneurs avecques le Grant Seigneur, en demeura merveilleusement estonné, craignant que cela ne advanceast une grande guerre entre les chrestiens par laquelle en fin TYtallye n'en fust ruynée, de sorte qu'il demeura en telle perplexité que, ainsi qu'il escript, si Sa Saincteté eust esté sur ce poinct sollicitée et conduicte, l'on Teust trouvée trop plus facille à l'attirer de vostre part.

« Sire, j'ay escript à V. M. comme après le décedz du feu duc de Mantoue, M. le cardinal son frère envoya ung gentilhomme vers l'empereur pour luy faire entendre la grant dévotion que ledict defîunct avoit tousjours eue à son service, et que semblablement suyvant l'inclinacion du père le filz seroit tousjours de telle voullenté. Dont le supplyoit le voulloir mainctenyr et garder en son estât; mais depuys j'ay entendu que oultre ce il le pryoit très instemment prendre son hommaige et luy enféoder ladicte duché ainsi que son feu père la tenoit. Sur quoy l'empereur ne leur a jamais voullu faire meilleure responce, sinon qu'il y manderoit ung homme pour adviser et se prendre garde des affaires dudict duché. Et ad ce que Ton a peu entendre l'on estime qu'il en veult faire comme de Florence et y mettre le seigneur domp Ferrand de Gonzagues affîn de la tenyr tousjours plus à son commandement; de quoy l'on estime que ledict cardinal n'a esté contant. »

Vol. 2, r» 98, copie du xvi« siècle; 3 pp. in-f».

PELLICIER AU CONNETABLE.

104. — [Fcnwe], 42. décembre i 540, — « Monseigneur, ayant receu un pacquet du seigneur Rincon et sçaichant combien le roy et vous avez agréable d'entendre des nouvelles du cousté de Levant, ne Tay voullu retenyr et ne différer à le vous mander; ains m'a semblé vous le debvoir envoyer incontinent avecques ce que ay peu apprendre depuys les miennes dernières du xxix» du passé, retenues jusques au n« de ce moys, sans attendre aultrement si pourroys rien entendre davantaige que ce que j'escriptz présentement au roy. De quoy ne m'estendray à vous faire aultre répéticion, estant asseuré que ce ne vous seroit que reditte. Tant seullement vous diray que cez Seigneurs estant rechairchez par aulcuns de faire chose au désavantaige de M. le duc d'Urbin, quelques ungs fort affectionnez à S. M. seroyent bien d'aviz que cela seroyt cause de luy faire quitter et habandonner