Kairouan

[décembre 1540] GUILLAUME PELLICIER 189

joindre avecques les ennemys qui vindrent rechaircher ledict roy et le myrent en fuyte, ayant esté blessé en deux endroictz; et les Espaignolz se resserrèrent ensemble en ung bataillon, et, recullant petit à petit, se saulvèrent avec peu de perte des leurs. Toutesfoiz, Ton a icy d'aultre cousté que ledict Doria n'en avoit laissé en ce pays là au plus que deux mille, pour la garde des places y conquises nouvellement, et mil cinq cens qu'il a admenez à la volte de Gennes pour la Lombardye, ainsi que Ton estime, et le reste de ladicte armée estoyent Itallyens ou Sicilliens.

« Monseigneur, je suys attendant à grant dévotion nouvelles de ce qu'il vous a pieu de m'escripre que, à la première occasion qui se trouveroit au conseil, Vostre Excellence feroit pourveoir aux serviteurs du roy qui sont icy, desquelz vous ay escript si souvent que j*ay belle paoar d'estre estimé fàcheulx et importun. Ce néantmoings ne sçaichant plus de quoy les entretenyr, pour leur avoyr fourny tant que ay eu ung seul denier, et ne se vouUans contenter de paroUe comme ilz ont faict en partye jusques icy, avecques ce peu que leur ay baillé, qui est beaulcoup pour moy, suys contrainct vous requéryr de rechef y faire mettre ordre; car je vous asseure. Monseigneur, que aultrement je ne veoy pas que je sceusse faire icy le service requiz au roy ne y estre à son honneur. Et entre aultres il y en a ung duquel vous ay escript, nommé le seigneur Francesco Beltrame, qui ne cesse ordinairement de faire telz meilleurs offices qu'il est possible pour S. M., me donnant tous les advertissementz qu'il peult apprendre, comme a faict présentement ceulx que j'escriptz au roy des menées secrettes du pape et de l'empereur touchant Parme et Plaisence, en contreschange de Florence et la Tuscane ; et aussi de la responce de l'empereur sur le faict de l'inféodation de Mantoue. Et pour ce faire ledict seigneur Beltrame ne fault d'employer, oultre sa peyne et le temps de luy et de ses amys, beaulcoup du sien, affin de entretenyr ceulx de qui il les peult tirer; car il a bien la puissance de ce faire, n'ayant besoing de cent ne deux cens escuz, et la récompense qu'il en chairche avoir de S. M. tend plus à rhonneur que au profQct. Et luy suffiroyt qu'il peult faire apparoir à s«s amys et ennemys que on l'a en mémoire et estime l'on ses services, vous asseurant, Monseigneur, que s'il plaisoit au roy et à vous l'on auroit le moyen d'entendre des nouvelles de toutes pars, voire des plus grandes importances, et à ladventure plustost et mieulx que de ceulx qui seroyent sur les lieux mesmes; mais l'on ne peult avoir telles intelligences sans fournyr la main, ce que de moy-mesmes ne puys faire. Je en advertys Vostre Excellence, affin de y donner tel ordre que bon luy semblera... »

Vol. 2, ^ 99 V», copie du xvi* siècle; 2 pp. 1/2 in-f».

PELLICIER A LA REINE DE NAVARRE

105. — [Venise], i2 décembre 1540. — « Madame, ayant messer Sébastiano * entendu le contenu de la voslre, qu'il vous a pieu m'escripre du dernier octobre, a esté grandement consolé pour Tasseurance qu'il a eu de Vostre Excellence de povoir achever de mettre ordre à quelques siens affaires sans que icelle en soit aulcunement desplaisante, craignant aussi que en se mettant en chemyn cestyver ne luy advint quelque malladye ou à sa famille, mesmement à son petit enfant, qui n*est encores pour endurer en ce temps icy tel voyaige '. Toulefoiz en ce pendant il ne part point le temps qu'il ne s'employe à faire chose pour vous povoir faire apparoir de ses labeurs k son arrivée vers vous, qu'il espère estre aprez cez Pasques, ainsi que j'estime qu'il vous escript. Et quant à la responce qu'il vous plaist me faire touchant ce que vous avoys escript, elle est tant pleyne d'affection par sa bonté et courloisye qu'il n'est possible de plus : dont très humblement l'en remercye. Si est-ce. Madame, que je vous vouldroys bien supplyer que si congnoissez que cela deust importuner personne du monde, de n'en mettre jamais propoz en avant, car de moy je n'en feray aulcune instance; mais vous en larray faire ce que congnoistrez estre le meilleur, estant bien asseuré que s'il a de s'en ensuivre bien lost quelque bonne fin, ce ne sera par aultre moyen que le vostre... »

Pellicier conclut par les nouvelles relatives aux bonnes dispositions du Grand Seigneur à l'égard du roi de France, et aux négociations entre le pape et l'empereur dont il a été question dans la lettre au roi.

Vol. 2, f° 100 v<>, copie du xvi« siècle; 1 p. in-f'.

PELLICIER A M. d'aNNEBAULT.

108. — [Venise], i2 décembre 1540. — « Monseigneur, la certaineté que ay toujours eue que ne faillez de sçavoir amplement toutes les nouvelles que j'escriptz ordinairement au roy m'a gardé de vous en escripre plus souvent particullièrement, estimant que ce n'eust esté que redicte ; et d'aultant plus à présent que j'ay esté adverty comme le roy vous a retenu de ses affaires privez, chose que m'attendoys bien que ne povoyt tarder longuement d'advenyr, ne m'estendray à vous