Paolo Giustiniani

212 AMBASSADE DE [JANVIER 154l]

de gallères que aurez entendu, et aussi de Toffre du seigneur conte de Sanseconde, lesquelz n'ont failly depuys à nous en solliciter et voulloir entendre quelle responce nous en avons eue; par quoy, s'il vous semble, Monseigneur, qu'il y ayt lieu, nous ferez entendre ce que avons à leur dire.

« Monseigneur, Ton a icy lettres de Naples par lesquelles Ton entend que l'empereur a mandé à domp Ferrand de Gonzagues qu'il ait à faire faire force provision de biscuyt pour l'armée qu'il prétend faire ceste année, laquelle l'on entend pourra estre grosse de quatre vingtz gallères, et de nefz davantaige : dont Ton entendoit à Romrae, comme j'ay veu par une lettre du conte de Languillare, que le pape y contribueroit pour sa part douze gallères... »

Vol. 2, M13 v*», copie du xvi« siècle; 1 p. 1/2 in-^.

PELLIGIER AU MEME.

185. — [Ve7iisé]y iô janmer i54i , — « Monseigneur, le seigneur Cézar Frégose, présent porteur, cherchant tous les moyens à luy possibles de faire service au roy, ainsi qu'il a tousjours faict, comme sçavez trop mieulx, avant son partement pour aller à la court est venu en ceste ville pour se informer et enquéryr, tant de moy que des bons et anciens serviteurs de S. M. qui sont icy, comme passoyent les affaires dudict seigneur; desquelz vous pourra donner aussi bon compte, et pareillement des aultres pars de rYtallye que nul aultre, de sorte que pour le passé ce me sera ung grant souUaigement, estant asseuré que par luy en serez si bien satisfaict qu'il ne sera besoing vous en faire aultre récit. Et pour ce. Monseigneur, que congnoissez trop mieuk de quelle affection et bonne voullenté il est serviteur de S. M., me sembleroit chose inepte et superflue vous en dire davantaige. Si ne me pourray-je tenyr de dire que je l'ay congneu tant dévot et affectionné au service d'icelle que j'estime, si le roy avoyt une demye douzaine de telz serviteurs en l'Itallye, l'on pourroit espérer que ses affaires n'en yroyent que de mieulx en mieulx. Il luy a pieu aussi sçavoir de mes affaires particulliers, desquelz amplement et longuement luy ay communiqué. Dont je vous supplye, Monseigneur, non seulement l'en escouter parler, mais luy donner foy en ce qu'il vous en dira. Et mesmement touchant la despence extraordinaire qu'il me convient faire icy, tant pour fournyr aux serviteurs du roy qui me donnent les adviz qne j'escriptz ordinairement à S. M., que pour faire couryr les dépesches selon le commandement du roy, et advertissement du seigneur Rincon ou de M. de Raguse. Pour quoy faire ay jà baillé plus de mil ou douze cens escuz, ainsi que l'on pourra veoir par mon compte. Et pour ce, Monseigneur, que je doibz presque tout cela, et que

[janvier 1541] GUILLAUME PELLIGIER 213

les affaires sont pour estre plus pressez et difflciiles qu'ilz n'ont esté, et conséquemment en danger d'estre subgectz k plus grant despence, s'il plaisoyt à Vostre Excellence m'en faire rembourser bien tost, et ouUre cella me faire advancer quatre ou cinq cens escuz pour ayder k fournyr à. telle despence, comme Ton avoit acoustumé faire à mes prédécesseurs, ce me seroit une très grande commodité et obligation, vous asseurant. Monseigneur, que si n'estoit la grande nécessité où j'en suys ne m'en trouveriez si solliciteux. Dont je vous supplye. Monseigneur, m'en avoir pour excusé et me mainctenyr tousjours en vostre protection et bonne grâce... »

Vol. 2, fo 111 vo, copie du xvr siècle; 1 p. in-f>.

PELLIGIER AU MÊME.

126. — [Venise], i ô janvier i54i , — « Monseigneur, oultre ce que le seigneur conte Ludovico de Rangon ' m'a déclairé de bouche touchant le grant désyr et affection qu'il a de faire service au roy, encores puys naguères me Ta confirmé par lettres qu'il m'a escriptes. Dont n'ay voullu obmettre à vous advertyr et vous dire mon adviz suyvant ce que en ay entendu de plusieurs bons serviteurs de S. M., c'est qu'il semble que advenant le cas que on eust besoing de l'employer, il seroit apte et suffisant pour faire en assez d'endroictz beaulcoup de bons services au roy, ainsi que pourrez entendre plus au long par le seigneur Cézar*; qui me gardera vous en faire plus grant discours. Tant seullement vous pryeray, si veoyez qu'il y ait lieu luy faire responce, me faire advertyr de ce que je auray à luy dire. »

Vol. 2, f^ 112, copie du xvi* siècle; 1/3 p. in-P>.

PELLIGIER Â GESARE FREGOSO.

127. — Venise^ 15 janvier i ô4i . — « Monseigneur, pour aultant que depuys vostre partement de ceste ville avoys esté adverty par ung personnaige qui venoit de Raguse, et estoit passé par Ânconne, comme il estoit venu avecques le seigneur Rincon deux journées prez Raguse, ay tousjours supperceddé de vous mander vostre homme, attendant ledict seigneur Rincon de jour en jour, affin de vous faire sçavoir sa venue, laquelle, grâce k Nostre-Seigneur, a esté ce matin avecques une fuste de cez Seigneurs et ung brigantin de conserve fort bien en ordre, vouUant avant son partement d'icy pour la court aller vers cez Sei-

1. Lodovico 1*% comte Rangone, frère aîné deGuido Rangone. Il avait une maison à Venise (V. Pietro Aretino, Il seconda libro délie letiere, Paris, 1609, p. 305).