Benedeito Accolii

232 AMBASSADE DE [fÉVRIBU 1541]

cens escuz, et domp Diego, son ambassadeur en cesie ville, la somme de cinq cens escuz.

« Monseigneur, Ton est adveriy de la maison de Tambassadear de l'empereur que le roy d'Angleterre a mandé en ceste Itallye douze gentilzhommes pour, soubz tiltre et colleur d'apprendre et veoir, estre adverty de toutes les choses qui se font et s'entendent en cestedicte Itallye. Desquelz gentilzhommes en a mandez troys en ceste ville, deux à Rome, à Millau aultant, à BouUoigne, Florence, et pareillement aux aultres bonnes villes; desquelz ceulx qui sont icy Tagent dudict roy d'Angleterre*, pour estre grant impérial, les attire à sa fantaisie, et les a faict si domesticques de l'ambassadeur de l'empereur qui est ici, que journellement sont avecques luy, qui leur baille telles nouvelles qu'il veult et luy sont plus advantageuses, estant certain que iceulx ne fauldront à les escripre à leur maistre.

« Monseigneur, cez Seigneurs ont eu lettres de leur secrétaire Fidel près le marquiz du Guast, du xii* de ce moys, par lesquelles lies advertyst ledict marquiz luy avoir tenuz telz propoz qui s'ensuyt : « Monsieur le secrétaire, je entendz que plusieurs vont disant et discourant que l'empereur vient en Itallye pour vouUoir suppéditer tous les princes d'icelle et s'en impatronniser ; mais affin que vous congnoissiez le tout estre au contraire, je vous monstreray une lettre dudict empereur. » Ce qu'il feist, par laquelle il lui escripvoit qu'il venoyt en Itallye, non pour supéditer les princes ne pour s'en impatronniser d'icelle, mais qu'il y venoit en la mode qu'il avoit tousjours faict, c'est pour la paciffier, et non pour y mettre guerre. Dont cez Seigneurs ont escript à leurdict secrétaire qu'il doibve bien garder ladicte lettre afûn que si jamais il entrevenoit au contraire, qu'ilz la poussent tousjours monslrer audict empereur, escripvant aussi que certainement ledict empereur seroit sur le commencement d'apvril en Itallye. Et par lettres de Rome s'entend que le pape, ayant entendu la si proche venue dudict empereur en Itallye, avoit changé d'oppinion de venir à Boullongne à la my-caresme, et qu'il avoit déterminé s'en partyr la seconde sepmaine, pour venir à la volte de Camerin, pour attendre à certaines choses, et delà s'en venyr audict Boullongne, pour parlementer avecques l'empereur '. »

Vol. 2, f* 125, copie du xvi* siècle; 1 p. 1/2 in-r.