Bernardino de Mendoza
[mars 1541] GUILLAUME PELLICIER 251
passée, ne sera possible que Fempereur puisse faire la masse desdictes huictante gallères. Lequel, craignant le succez n'advenyr semblable aux souldars qu'il a laissez en ses terres de Barberye que celluy de Castelnove, les a mandez chaircher; et entend Ton que c'est pour les mettre en la Lombardye. Les Impériaulx disent estre advertys que quelque bruyct que Ton face de la grande armée que veult faire le Grant Seigneur, ce néantmoings qu'il n'estoyt pour armer et mettre hors pour ceste année plus de cent trente gallères.
« Sire, cez Seigneurs ont eu nouvelles que l'empereur avoit abaissé beaulcoup les aesles', et n'estoit plus sur ses haultesses comme il soulloit, et qu'il abbrassoit et faisoit caresse à ung chascun ; sollicitant le plus qu'il povoit la diette de Ratisbonne, où se feroit peu de chose, et encores ce qu'il s'y feroit fauldroit que ce fust avecques le consentement des protestans, et que le roy Ferdinando, pour ne s'y trouver, chercheroit tous les moyens dont il se pourroit adviser, disant voulloir aller & Vienne mettre ordre et pourveoir aux choses de ce cousté là, ayant entendu qu'il estoit entré secours dedans Bude.
« Sire, par lettres du secrétaire Fidel cez Seigneurs sont advertiz que les recteurs des villes de Bresse • et Crème • luy avoyent faict entendre que autour desdictes villes estoyent mil cinq cens Espaignolz; lequel leur a respondu comme il a adverty cez Seigneurs qu'ilz n'estoyent pas si grant nombre, car ne passoyent point huict cens : bien estoyt vray que c'estoyent la fleur des souldars de Tempereur et que le marquis du Guast les estimoyt beaulcoup. Laquelle nouvelle, Sire, me fut hier confirmée par madame la contesse de la M yrandola, m^escripvant que iceulx Espaignolz s'estoyent partys de la Lunezane *, ayant le marquiz du Guast commission de l'empereur les envoyer aux frontières de Pyémont. Et avoyt eu adviz qu'ilz venoyent se loger prez des confins de la Myrandola, et que en signe de ce le duc de Ferrare pourveoyeoyt à ses terres, et le duc de Mantoue faisoyt le semblable; parquoy elle n'estoyt sans trouble et quelque doubte, se trouvans ses voysins bien pourveuz, et cez Espaignolz qui marchent avant : de quoy m'advisoyt affin que on y donnast provision. Et pour ce, Sire, que estant icy les seigneurs Gézar Fregoso et Rincon, elle estoyt entrée en semblable doubte, pour s'estre geliez les foussez de la Myrandola, craignant que ne luy advint ainsi que du temps de la guerre du pape Julie', avoyt esté advisé entre nous ensemble que pour la soulde de cent ou deux cens hommes, pour la seureté et garde de ladicte ville, on ne deubst mettre en danger et hazard ladicte
