Lodovico Simonetta, évéque de Lodi

282 AMBASSADE DE [aVRIL iS4l]

PELLICIER A M. DE LANGEY.

186. — [Venise]^ iô avril iô41 . — « Monsieur, j'ay receu la voslre du XXX* du passé par le personnaige que sçavez, qui se parlyt d'icy sabmedy pour continuer son voyaige. Il n'a esté sans grant esinoy et peyne du si long sesjour que ont demeuré ses bardes à venyr; et jà avions quasi perdu Tespérance qu'ilz deubsent jamais arriver à bon port : ce néantmoings, le jour qu'il se debvoyt embarcquer, le tout y vint sans avoir eu aulcun dommaige. Vous remercyant bien fort du coffre et couvertes * qu'il vous a pieu m'envoyer, je suys aprez pour veoir de trouver quelque chose pour vous mander en contreschange par vostre mulletier, lequel j'ay faict demeurer icy quelques jours, voyant aussy le temps estre très maulvais pour se mettre en chemin. Le seigneur Aloysi Allemani s'est party d'icy ce matin avecques très bonne réputacion de cez Seigneurs, qui ont faict une responce si très affectionnée et pleine de bon voulloir vers S. M. qu'il n'est possible de plus; laquelle luy ont baillée par escript pour porter à leur ambassadeur qui est prez du roy, qui de par eulx la face entendre à S. M. Hz luy ont faict ung petit présent, en signe de bennevoUance, seuUement de 11^ escuz; et pour ce, Monseigneur, qu'il a voullu avancer son voyaige le plus qu'il a peu, s'en est allé faire ses pasques à. Ferrare, où avoit affaire pour quelques jours '. Dont estimant plus tost la présente dépesche povoir estre à la court que luy, avons ad visé estre le meilleur advertyr S. M. de tout. Par quoy je vous prye faire tenyr le pacquet le plus tost qu'il sera possible, pour aultant qu'il y en a deux aultres dedans de Gonstantinople. Toutesfoiz je ne sçay s'il y a chose en iceulx de grant importance, car messire Vincenzo Maggio ne m'en escript pas grant cas par les siennes duxxiiii*' febvrier... » etc. Suivent les nouvelles de Levant contenues dans la lettre au roi, du 14 avril.

« ... Monsieur, je vous envoyé votre saufconduyt que ay receu, suyvant ce que vous avoys escript par les miennes dernières; je pence que le trouverez en très bonne forme. Ledict messire Vincenzo m'escript avoir eu responce de Barberousse sur la demande qu'il luy avoyt faicte d'avoir la lettre missive pour pescher le courait ', et que mais qu'il soit retourné à Gonstantinople, qu'il l'aura; mais que je l'aye receue je ne fauldray pareillement vous la faire tenyr. Et cependant vous diray que j'ay demandé congé à cez Seigneurs de povoir enlever de Bresse ^ les harnoys que m'avez escript pour M. le cappitaine Mon-

i. Couvertures.

2. Voir dans Ribier (t. I, p. 559) le biUet en ilalien, biUct tout empreint de coui^ loise déférence, d'Ercole d'Esté au roi, daté de Ferrare, le 20 avril 15tl, et rapporté par Alamanni au retour de sa mission.