L'ambassadeur et les gens de sa suite
[mai 1541] GUILLAUME PELLICIER 299
la diette, sinon qu'elle avoyt esté mise en quinze articles, et faict plusieurs présidans pour les décider et déterminer , entre lesquelz les principaulx sont le seigneur Fédérich, comte palatin du Rin *, le duc de Bavières ' et le seigneur de Granvelle ', et que estant acomply le dueil de Températrice *, Tempereur s'en estoyt allé à une abbaye prez de Ratisbonne pour faire cellébrer les obsèques et funérailles acoustumées en tel cas. Ayant tenu propoz audict ambassadeur de cez Seigneurs, quasi comme par forme de compiaincte, dist que estant adverty que V. M. eust mandé icy ung homme long temps a, s'esmerveilloyt que cez Seigneurs ne luy en eussent encores rien faict sçavoir. A quoy ledict ambassadeur lui feist responce, ainsi qu'i] a escript, qu'il ne failloyt que pour cela il s'esmerveillast, et que il povoytbien estimer, puisque cez Seigneurs ne l'en avoyent adverty, que ce n'estoyt chose de grant importance.
« Et sur ce propoz, Sire, l'ambassadeur dudict empereur qui est icy est allé vers cez Seigneurs, lesquelz, aprez avoir parlé de quelques affaires particulliers, et voullant prendre congé d'eulx, leur drst que son maistre à bon droict l'accusoyt de négligence et de peu de crédict, pour ce que ne luy avoyt faict sçavoir les raisons pourquoy le seigneur Alloysi Allemani estoyt venu icy, les pryant qu'ilz luy voulsissent faire entendre. Lesquels luy feirent responce que V. M., par sa naturelle et acoustumée bonté, les avoyt envoyez remercyerde la faveur et support qu'ilz avoyent donnez au seigneur Rincon passant dernièrement par icy pour aller vers icelle.
« Sire, je suys adverty par homme de bien, qui m'a asseuré avoir veu lettres de M. de Granvelle, venues à M. l'ambassadeur de l'empereur qui est icy, par lesquelles s'entend que l'empereur ne viendra en Itallye pour tout cest esté, pour plusieurs raisons que j'ay escriptes èi Y. M. le xir* novembre dernier passé : sçavoir est que son sesjour en AUemaigne sembloy t beaulcoup plus commode et utiile pour le présent que de venyr en Itallye, car se arrestant là il y tiendra les eslecteurs et aultres princes mieulx à sa dévotion ou en crainte; à tout le moings gardera-il qu'ilz n'oseront si tost rien entreprendre contre luy, et pourra, par ce moyen, mieulx pourveoir à son aise aux choses de Hongrye. Maintiendra aussy en suspens les choses de France ; car en cas que on luy voulsist faire guerre en Itallye, il s'en pourroyt plus aisément revancher du cousté de la Picardye. Gardera en oultre que
1. Frédéric III le Sage, comte et électeur palatin, second fils de Télecteur Philippe et frère de Télecteur Louis Y le Pacifique^ auquel il succéda comme duc de Bavière, de 1544 à 1556.
