Bassano

316 AUBASSADB DE [mai 1541]

ma lettre trop plus longue que de coustume, comme pourrez yeoir. Dont me sembleroyt chose superflue vous en faire aulcune répétition; mais bien vous diray davantaige que cez Seigneurs ont esté advertii que à présent les affaires de S. M. passoyent tant secrettement qu'il n*estoyt possible d'en povoir sçavoir aulcune chose. Et ce leur a dict leur ambassadeur qui est à la court, pour s'excuser s*il ne leur peult donner adviz des choses de delà, où, comme il escript, se faisoyent plusieurs discours que ce seroyt le meilleur de donner madame Margueritte * à monseigneur le duc de Clèves, et à monseigneur d'Orléans madame la princesse de Navarre '. Les semblables sont venuz de Rome, et que M. le daulphin et madame la daulphine ' venoyent en Piémont pour veoir les forteresses, et que de l'armée du roy se mettoyent quelques gallères en ordre, desquelles en avoyt esté ordonné une pour conduyre le seigneur Rincon en Levant.

« Monseigneur, par lettres que le secrétaire Fidel a escript à cez Seigneurs le xxii» de ce moys s'entend que l'empereur avoyt mandé du roy Ferdinando quarante mil escuz, et que ledîct empereur avo>1 déterminé aller en Espaigne ou en Hongrye pour donner plus de faveur à son frère ; et que les choses des protestans passoyent mal, estant pertinaces en troys articles de non peu d'importance, comme j'estime pourrez avoir entendu. Qui me gardera vous en faire aultre propoz, mais bien comme ledict Fidel escript davantaige que l'empereur avoyt mandé sçavoir du marquis du Guast s'il vouldroyt faire l'emprinse de Hongrye. Lequel en estoyt en bonne vouUenté, ne désirant aultre, comme il escript, que d'aller contre les infidelles; mais quil avoyt supplyé l'empereur que son plaisyr fust de luy concéder la grâce de povoir laisser en sa place pour lieutenant qui bon luy sembleroyt. Toutesfoiz je suys adverty de bon lieu que ce mandement faict par l'empereur n'est pas pour voullenté qu'il ayt de luy donner charge en ceste guerre de Hongrye, mais par ce moyen le tirer tout bellement hors du gouvernement de Millau, pour ce qu'il y veult mettre tous ses gens espaignolz et mesmement en la principalle charge. Laquelle chose ledict marquiz prévoyant n'en est guères contant; k quoy pourroyt tendre la responce qu'il faict et demande, par laquelle il prye Tempereur de ce que dessus, de luy concéder d'y mettre lieutenant teî qu'il vouldra... »

Vol. 2, r 173, copie du xvr» siècle; 2 pp. in-^.

1. Marguerite de France, fille de François !•' et de Claude de France, née à Saint- Germain-en-Laye le 5 juin 1523, morte à Turin le 14 septembre 1574. BUc épousa en 4559 le duc Philibert-Emmanuel de Savoie.