Leone Strozzi, prieur de Capoue
358 AMBASSADE DE [JUILLET 154i]
certaines particularitez escriptes à luy par messire Vincenzo Maggio,
estant pour le roy devers le Grant Seigneur. Et ce, d'aultant qu'il semble
loucher le bien des affaires dudict seigneur, ausquelz ledict seigneur
Rincon par sa venue estoyt pour remédier entièrement, ce que m'avoyt
faict déporter les escripre autrement à. S. M. Et entre aultres choses,
Monseigneur, Tadvertissoyl que si d'adventure il ne avoyt à venir en
Levant, ne donnast le loysyr ne espace de povoir sçavoir sa demeure
en France, mais que Ton sceust aussitosl l'arrivée de son successeur à
la Porte que son eslection et nouvelle de sa venue : pour aultant que
faisant aultrement en adviendroyt non peu de confusion. Et que Ton
advise de y envoyer homme qui soyt plain de patience, modestie et
prudence, sçaichant les choses d'estat et mesmement de la guerre,
pour en povoir dtre son adviz et oppinion; et qui ayt quelque aulho-
rité pour son eaige, n'ayant point l'esperit endormy à dire et faire,
mais tout comptant pour inventer, proposer, et respondre soubdain
selon l'exigence des affaires; et qui ne soyt point despourveu de la
lengue ilallienne, pour estre entendu des truchemans de delà, daul-
tant qu'ilz ne s'empeschent point d'aultre lengue chrestienne de par
deçà; et surtout qu'il soyt fort bien garny d'argent et de présens, car
aultrement il ne seroyt pas le bienvenu et se trouveroyt bien empes-
ché. Advertissant aussi ledict seigneur Rincon que s'il y retournoyt,
que ce ne fust sans grant trésor, pour aultant que du plus petytjusques
au plus grant faisoyent leur desaing d'avoir force présens à sa venue;
et que la despensc de la maison estoyt grande et grosse, le sçaichant
par expériance, car n'ayant ne chevaulx ne beaulcoup si grant nombre
de serviteurs comme il y avoyt quant ledict seigneur Rincon y estoyt,
il se retrouvoyt avoir despendu en moings de six moys mil six cens
escuz ; et que aultrement ne se povoyt faire, qui vouUoyt mainctenyr
et garder la grandesse et réputacion de France que ledict seigneur
Rincon avoyt acquise en ce pays là. Désirant ledict messire Vincenzo
la venue dudict seigneur Rincon, afffn de se retirer en sa chambre et
se reposer de tant de travaulx qui luy convient avoir ordinairement.
Et n'y retournant ledict seigneur Rincon, désiroyt sortyr comme il dict
hors de ce purgatoire et venyr en France, estant las d'estre en ces
pays là, pour avoir tel fais sur les épaules et estre tout seul. Et que
retournant ledict seigneur Rincon, il verroyt qu'il auroyt beaulcoup
perdu à la Porte pour l'absence de Lotphi Bassa, qui en estoyt ainsi
faict retirer que povez avoir entendu par ce que je en ay escript au
roy par cy davant. Exhortant ledict messire Vincenzo icelluy seigneur
Rincon qu'il se recordast que ledict Lotphy estoyt moult sobre, et se
contentoyt de peu, chose qu'il trouveroyt bien changée. Dont derechef
l'exhortoyt qu'il se recordast d'aller bien garny de ce qu'il feroyt
besoing.
« Monseigneur, j'ay esté adverty, non seuUement par messire Vin-
JVILLET 1541] GUILLAUME PELLICIER 359
:enzo^ mais aussi par aultres lettres commant en Constantinople Ton [le povoy t croyre que ledict seigneur Rincon eust à y retourner, et que par ce que Ton povoyt congnoistre, comme suys adverty de quelque ung, ledict messire Vincenzo se attendoyt bien de y demeurer en chef, poxir luy sembler n'avoir le roy par deçà, homme qui fust pour mieulx faire ladîcte charge que luy ; mais qu'il s'abusoy t beaulcoup, car encores que le roy feist bien telle eslection de luy le Grant Seigneur n'estoyt point pour l'accepter, ainsi que celluy qui me Tescript dict avoir entendu de bon lieu à la Porte. M*advertissant aussi par sa lettre du xxvii« may que l'armée de mer sortiroyt hors, et que cez jours passez s''en partyrent quinze gallères pour donner à entendre que ne partiroyt auUre armée pour ceste année; mais qu'il avoyt entendu le contraire, et qu'elle se faisoyt mettre en ordre en bien groz nombre de vaisseaulx pour mander dehors, toutesfoiz qu'il n'avoyt entendu quelle part c'estoyt qu'elle voulioyt aller.
« Monseigneur, s'ils ne vous plaist avoir pityé de moy et me faire envoyer argent, je ne sçay plus que je doibs faire; car j'avoys tousjours eu espérance à la venue du seigneur Cézar Frégoso, mais je m'en veoy frustré. Dont je vous supplye tant que je puys m'y faire pourveoir le plus tost, aultrement je ne veoy moyen de continuer à faire le service de S. M. Et aymeroys baulcoup mieulx que ung aultre y fust, que feusse contrainct à faulte d'argent ne povoir mettre k exécution ce que congnoistray estre utille et nécessaire pour les aflFaires de S. M. : à quoy seray bien tost contrainct s'il ne vous plaist y faire mettre ordre... ' »
VoL 2, f-» 199 v«, copie du xvi« siècle; 2 pp. in-f*.
