Le comte de la Mirandole

3. Le capitaine Cola Bunello, gouverneur de la place de Barletta.

que M. de Langey vous aura envoyé le double des lettres qu'ilz se sont escriptes luy et le marquis du Guast Tung à Tautre, comme il faict k moy. Dont je ne vous en diray aultre, sauf qu'il m'escript sçavoir très bien les noms des Espaignolz qui ont faict Texpédition; de quelle garnison ilz sont; combien de maistres et combien de varletz y avoyt; où estoyent logez leurs chevaulx troys jours durant qu'ilz ont faict le guet sur la rivière ; les noms des barcquerolz qui les ont conduictz; en quelz basteaulx ils sont entrez ce pendant pour veoir quelz gens esloyent dedans; à quelle heure furent les prisonniers menez au chasleaude Pavye, et par qui; à qui consignez; quant ilz en ont esté remuez, et par qui; à quel jour et heure ils furent menez en la Rocquette de Millan *, et à qui consignez; quel présent donna le marquis à celluy qui luy porta la première nouvelle ; quelz propoz il tint à ung qui en parloyt devant trop de gens; quel traictementaeu le podestat de Pavye, pour ce que estant en présence d'ung des nostres, interrogé comment telles choses s'estoyent faictes sans qu'il en sceust quelque chose ou se fust mys en defivoir d'en sçavoir nouvelles, il respondit qu'il l'avoyt bien sçeu mais n'en povoyt faire aultre chose, pour ce que ceulx qui l'avoyent faict s'estoyent retirez au chasteau. Et prou d'autres choses en sçayt ledict seigneur de Langey qu'il ne m'escript pour éviter prolixité. Je prye Dieu le créateur nous en donner quelque bonne issue, et que à tout le moings les personnaiges puyssent avoir la vye saulve. « J'ay receu lettres de mèssire Vincenzo Maggio, du xxiii*' jour de juing, m'advertissant le Grant Seigneur estre party de Constantinople le xx* dudict moys pour la Hongrye *, en plus grant triomphe que on veist jamais et avec plus grant exercite, oultre lequel le Bogdan luy doibt bailler soixante mil chevaulx, et lesTartares cent mil. En somme l'on escript qu'il s'en va deslibéré de expugner et déchasser le roy Ferdinando, non seulement du royaulme de Hongrye, mais encores de tous ses aultres pays; et que ledict roy Ferdinando semble voulloir estre cause que tous les pays de la chrestienté de ce cousté là ayent à estre mys en ruyne et destruction : je prye à Dieu qu'il vueille donner à icelle ce qu'il sçayt mieulx luy estre nécessaire. Et pource que l'année est jà trop avancée pour voulloir mettre à exécution ses desaings, l'on dict qu'il yvernera en Hongrye, pour estre plus prez à ceste prime vôre de faire l'emprinse de Vienne '. Je n'oblyeray à vous dire que à son