Brcscia

[juillet 1541] GUILLAUME PELLICIER 369

pour son dommaige, attendu que S. M. gardoyt invioUablement la trefve. Et ce particuUièrement a esté débattu et raisonné en la chambre du duc de cesle ville, dont la résolucion en a esté telle que dict est. Quoy à l'aventure présentant * les Impériaulx qui sont icy et voyans la venue du Grant Seigneur, et se doubtans que la guerre se mouve entre voz Majestez, et aussi se tenans presque asseurez que cez Seigneurs ne seroyent pour donner Tayde et secours pour la delTension de la duché de Millan qu'iiz ont promys à Tempereur, mais plus tost faire au contraire s'ilz estoyent contrainctz se déclairer ; — aprez avoir iceulx Impériaulx bien consulté par ensemble pour ne provoquer en despéracion cez Seigneurs, si Tempereur monstroyt estre marry et se voulloyt rescentyr s'ilz ne luy bailloyent ledict secours, et par ce moyen se tournassent à vostre party, — ont escript à Tempereur que requérant cez Seigneurs de luy bailler le secours par eulx promys pour la deffension de Millan, seroyent pour le luy desnyer. Dont estoyent d'adviz donner ce que on ne peult vendre : sçavoir est que ledict empereur monstrast n'en estre aulcunemenl fâché ne s'en soulcyer aultrement; ainsi, comme venant de luy et de son propre mouvement leur remist ledict ayde et secours, et qu'ilz feussent tenuz se demonstrer tenyr son party affin de ne irriter le Grant Seigneur, voyant bien que ce leur pourroyt porter grant encombrier et dommaige : chose que, comme il leur feroyt entendre, désire moings veoir que le sien propre, estimant aultant le bien et prospérité de leur estât que icelluy mesmes. Bien vouldroyt que en lieu de ce ilz luy feissent semblable secours d'argent secrettement qu'il leur conviendroyt employer, luy donnant ledict ayde, et que en tout événement s'ilz ne voulloyent faire ce, leur quitter le tout et les pryer en temps et lieu se souvenyr de leurs bons amys et alliez, et ne se mettre poinct jamays contre eulx, et plusieurs aultres propoz tendans à cez fins.

« Sire, j'ay aussy esté adverty que l'ambassadeur de l'empereur et ses adhérans ont faict escripre à Raguse par ung Orsetto, Ragusien, et par ung aullre que l'empereur a faict commandeur, lequel puys naguères le Grant Seigneur a faict chasser de Raguse, advertissant la Seigneurie de là pour le faire entendre au Grant Seigneur et à certains particuUiers, — qui s'attendent bien ne fauldront le faire sçavoir en Constantinople, — que lesdicfz seigneurs Cézar et Rincon se sont faict prendre expressément par vostre commandement et ordonnance, ayant icelle intelligence avecques l'empereur, et par ce ne vouUant que ledict Rincon retournast vers ledict Grant Seigneur pour ne luy accorder ne attendre les promesses que luy avoyt faictes ledict seigneur Rincon ; voullans lesdictz Impériaulx faire accroyre telles calomnyes et confirmer, parce que lesdictz seigneurs Cézar et Rincon sont