Aloysio Badoaro

[juillet i54l] GUILLAUME PELLIGIER 371

grans affaires. Et quant à ladicte armée de mer, j'ay esté adverty que cez Seigneurs ont sceu par ung de leurs secrétaires, qui dict l'avoir entendu fort secrettement du secrétaire du cardinal de Ravenne, que ce grant apprest d'armée estoyt pour faire Temprinse d'Alexandrye d'Egipte, comme vous ay escript avoir entendu d'ailleurs; mais aprez avoir bien discouru, et congnoissant très bien la quallité du pays et lieu d'Alexandrye, et du temps ou quel sommes pour faire tel voyaige, et aussi que ladicte entreprinse seroyt de peu d'importance et moindre eiilcace, pour n'estre Alexandrye lieu de grant mouvement et estre de petite tenue; car ne contient que cinq ou six maisons d'estime pour les consulz ou prévostz des marchans. Ces Seigneurs se tenoyent pour asseurez que c'estoyt pour aultre chose et ont jugé estre une fourbe, doubtans plus tost estre pour faire quelque entreprinse sur leurs pays de Levant et de la Dalmatia que aultrement. Dont pareillement ont donné ordre pour y pourveoir fort dilligemment, et aulcuns d'eulx. Sire, ne se doubtent pas moings aussi que ledict empereur se pourroyt bien adresser sur voz terres maritimes de Provence et Lenguedoc ou à tous deux en ung mesmes temps, faisant venyr en Provence celle qu'il apreste auprès de Sicille, et tout en ung coup celle de Mallega en Languedoc. Or, comme qu'il soyt, le commis de cez Seigneurs qui est à Naples les advertist que ledict empereur faict plus grant armée et préparatifz pour faire entreprinse de mer que jamays il ayt faict; et entre aultres choses qu'il a fort grant quantité de biscuictz, et ung gros nombre de fers de chevaulx avecques dix mil paires de souUiers. Toutesfoiz, Sire, quant cela seroyt, bien je pence que avecques tous ses effbrs s'il voulloyt venyr en voz pays, il trouveroyt bien par vostre bonne providence à qui parler; mais, ainsi que suys adverty par lettres de Romme, quelque bruict qu'ilz facent de préparemens, l'on va à Teffect tout à l'aise. Ce néantmoins c'est ung esperon à ceulx de Naples pour recouvrer le donnatif qu'il leur demande, et jà les gens de l'empereur ont arresté le party de cent cinquante mil escuz avecques les Génevoys*, à dix neuf et demy pour cent. Je suys adverty par aultres qu'il a engaigé si grant nombre de rentes dudict royaulme qu'il en doibt recouvrer huict cens mil escuz à xxv pour cent.

« Sire, l'on a aussi entendu icy par quelques marchans que l'empereur faisoyt lever gens en Flandres, et estimoyt l'on que c'estoyt pour la doubte qu'il a que monseigneur le duc de Clèves ne face quelque mouvement. Pareillement j'ay esté adverty que son ambassadeur, qui est icy avecques ses adhérans, comme est le cardinal de Ravenne, et aultres Impériaulx, ont faict ung conseil entre eulx ; et ont escript à l'empereur que, le plus tost qu'il pourroyt, mandast icy les lansquenetz et aultres gens de guerre qu'il veult faire descendre en Itallye, pour