PELLICIER AU CARDINAL DE TOURNON

248. — [Venise], 29 juillet i54i . — « Monseigneur, j'ay receu la lettre qu'il vous a pieu m'escripre par M. le cappitaine Poullain qui arriva icy le xxvii® de ce moys, lequel m'a raconté bien amplement toutes nouvelles de la court et la charge qu'il a pieu au roy luy donner*. En quoy, Monseigneur, combien qu'il soyt si sçavant et bien instruict qu'il n'ayt besoing d'aulcune adresse, et aussi que là où je verray mon conseil luy povoir servyr et donner confort pour les affaires de S. M., je ne feray que mon debvoir de le luy présenter et offryr, pour la grande obligation que j'ay au service d'icelle, ce néantmoings encores. Monseigneur, désirant grandement vous agréer et servyr en toutes choses, je m'efforceray, aprez avoir donné le meilleur ordre et provision requise aux affaires du roy que nous pourrons ad viser luy et moy, d'aultant plus pour l'amour de vous, à luy faire congnoistre en ses affaires particulliers, le plus efficacement qu'il me sera possible, combien je désire luy faire plaisyr et service.

c< Monseigneur, il a pieu au roy me donner espoir par sa lettre du vn* de ce moys de me faire bien tost envoyer argent, dont je vous supplye très humblement m'y voulloyr estre aydant...; me voyant frustré de l'attente que j'avoys d'en recouvrer à la venue du seigneur Cézar, ainsi que Ton m'avoyt donné espérance, je avoys, longtemps a, envoyé mes comptes extraordinaires d'une année : lesquelz avecques un pacquet du roy se sont perduz au delà de Thurin. Ce néantmoings je oe laisse d'ensouffryr et endurer grandement pour la retardacion d'iceulx qu'il a fallu reffaire, lesquelz de rechef ay renvoyez. Et pour ce, Monseigneur, que l'argent que pourray recouvrer d'iceulx voyre beaulcoup davantaige est desjà despendu, je vous supplieray que, — oultre la somme contenue èsdictz comptes, de laquelle ayant satisfaict à mes cré-

1. Federigo Fregoso, Gis d'Âgostino Fregoso et de Gentila de Montefeltro, nièce de Guid'U' aldo I, duc d'Urbin. Elevé à la cour de son oncle maternel, qui lui fit donner rarchevéché de Salerne (1507-1533), il iut successivement ambassadeur de Gènes auprès de Léon X, commandant en chef des galères génoises dans Texpédition dirigée contre les corsaires de Tunis, abbé de Saint-Bénigne de Dijon, évèque de Gubbio (1508-1541), et enfin cardinal (1539). Il mourut à Gubbio le 22 juillet 1541, laissant diverses œuvres sacrées et profanes, et une grande réputation de charité.

Son frère, Otlaviano Fregoso, fut doge de Gênes de 1513 à 1522. Tous deux étaient oncles de Gesare Fregoso, l'agent infortuné du roi de France.