Éclaii'cie, renseignée

438 AMBASSADE DE [OCTOBRE i54l'

et très obéyssans serviteurs, luy vouUoir donner la présente; laquelle, encores que soys bien asseuré n*en avoir aulcun besoing, ce nèantmoings pour luy satisfaire en tout ce que puys, m'a semblé ne luy la debvoir desnyer pour vous supplyer, Sire, que vostre bon plaisyr sojl la voulloir prendre en vostre bonne et singullière protection et ses pouvres enfans aussi, ainsi que par vostre bonté, piété et miséricorde estes acoustumé faire, non seullement à voz affectionnez serviteurs comme ilz sont, mais encores k toutes personnes désoUées : \oqs asseurant, Sire, que la chose a esté trouvée tant horrende et inpye qu'il n'y a homme qui n en soyt aultant scandalisé que de chose que Ton ayt oy parler icy long temps y a. J'ay enfin tant faict, Sire, queay recouvert ung de ces barcquerolz qui avoyt esté forcé et contraincl conduyre les assassins. Lequel est eschappé des prisons de Pavye que, pour avoir encores eu hersoir * bien tard, n*ay bonnement eu loysir le faire interroger juridicquement; mais entre aultres choses, m'a dict que iceulx pouvres seigneurs furent incontinent et d'arrivée tuez en la barcque, et que luy-mesmes fut forcé les porter hors là auprès en une petite isle, où ont esté trouvez leurs dépostz. Dont peult assez clairement apparoir la machinacion avoir esté telle, et commandement si exprez de leur mort, qu'ilz estoyent jà ad ce destinez et livrez avant que avoir esté trouvez et prinz. Et peult Ton comprendre que ad ce y a la grant part le marquiz du Guast s'il est vray, ainsi que cedict barcquerol dépose, que lesdictz meurtriers disoyent avoir ce faict par commandement d'icelluy marquis. Je suys après pour entendre quel moyen et forme je doibz tenyr pour le faire examiner plus auctenticquefflent qu'il sera possible, affin de povoir servyr à perpétuelle mémoire; et davantaige, pour plus grande approbation verray si le pourray mander à M. de Langey, pour en faire par delà telle information qu'il congnoistra estre nécessaire. »

Vol. 2, f» 239, copie du xvr siècle; 1 p. 1/4 in-P».

PELLICIER A LA REINE DE NAVARRE

284. — [Venise], 6 octobre iô41. ^ Recommandation en faveur de la veuve de Cesare Fregoso.

Vol. 2, f^ 239 v«, copie du xvP siècle; 3/i p. in-P>.