Le nom est resté en blanc

[octobre 1541] GUILLAUME PELLICIER 441

lettres de monseigneur de Langey comme certainement ilz sont morts. Et jà le corps dudict seigneur Cézar a esté porté à Castel-GeoflFroy, et celluy dudict seigneur Rincon k Plaisence, où ledict seigneur de Langey a mandé ung secrétaire du roy nommé Vecqueria avecques instructions et commission pour faire interroguer de cest affaire aulcunsbarcquerolz qui conduysoyent les assassins, qu'on dict estre arrivez à Plaisence, eschappez des prisons. Lesdictz pouvres seigneurs ont esté trouvez morts auprès le lieu où ilz furent prins. Je vous laisse penser la horrende cruaulté que ceulx entre les mains de qui ilz estoyenf leur ont usée, et vous puys bien asseurer qu*il n'y a celluy de bon jugement par deçà qui ne croye très bien n'avoir esté tuez ainsi soubdainement par ceulx qui les prindrent; mais que, voyant l'empereur le roy en faire telle instance, affin que ladicte meschanceté si grande ne feust sceue ne descouverte les a faictz ainsi mourir cruellement et puys porter audict lieu. Je prye Nostre-Seigneur que vueille avoir leurs âmes. Il n'y a point de nouvelles que l'empereur soyt encores embarcqué, ne est pour ce faire qu'il ne voye quelle résolution le roy prendra après avoir esté certiffié de la (in de sesdictz serviteurs ainsi califliée, et pense de le desguyser; et semblablement qu'il n'aye veu si le roy vouldra prendre la pasture que l'on estime ledict empereur avoir moyenne par le pape que le roy se vueille abocquer à Thurin avecques Sa Saincteté pour ce pendant gaigner temps, et mettre en jallousye les amys du roy, et mettre en suspeçon d'une croisade universelle de toute la chrestienté contre le Grant Seigneur. J'espère que le roy congnoistra et pourveoyrra mieulx & tout cela que pourroit porter empeschement à cez affaires que nous ne sçaurions adviser. Si est-il que l'empereur pensera faire de cecy son proffict, à tout le moings d'estre excusé de ne faire l'entreprins^ d'Alger en personne, et demeurer tout cest yver en Itallye comme j'ay tousjours esté d'adviz; attendu mesmement que le temps est si tard, et il le reculle davantaige, et que son armée n'est pas encores bien preste, et au contraire Algier est bien muny de bastions, gens et municions, pour bien le recepvoir et à ung besoing, comme Ton dicl, luy aller au davant. Il me sembleroyt chose superflue de vous recommander le présent porteur, estant bien asseuré que pour venir du lieu d'où il vient et avecques telle charge, qu'il ne sçauroyt estre que le bien venu... »

Vol. 2, ^ 240, copie du xvi« siècle; 2 pp. 3/4 in-f>.

PELLICIER A M. DE SÉBÉNICO *.