Majorque

4. Ottavio Farnese. Ce ne fut que neuf ans après Tassassinat de son père, en i556, qu'Ottavio Farnese put jouir en paix de l'héritage paternel, sur lequel il régna jusqu'en 1586, date de sa mort.

448 AMBASSADE DE [OCTOBRE 154l]

à cesle enlreprinse; mais encores n'avons nouvelles icy qu'il soyt embarcqué.

« Sire, j'ay receu lettres d'ung Pierre Pomart, qui est h Constantinople, du xnu^ de passé, par lesquelles m'advertist larmée du Granl Seigneur se préparer en grande dilligence, et que desjà estoyent sortyes dehors plus de vingt gallères, et se jugeoyt par delà que Barberousse partyroit de brief avecques le reste de Tarmée qui seroit en tout de plus de mi" gallères, bien que l'on disoyt que ledict Barberousse attendoit commandement dudict Grant Seigneur avant que se partyr. Et par lettres que ces Seigneurs en ont aussi eues du xvi'' de leur ambassadeur Badouare, ont entendu ledict Barberousse se debvoir partyr résolument le xx* dudict moys passé avecques xxxv ou xl gallères, et quarante aultres qui piéçà estoyent dehors, et environ cinquante ou soixante fustes de Mores qui se debvoyent joindre avecques luy, tous, ainsi qu'on entend, fort bonnes gens de guerre par mer. Dont ces Seigneurs, ayant ceste nouvelle, ont longuement discouru en leur pregay sur Tentreprinse du voyaige de l'empereur, considérant le temps de son partement de la Spetia du xxix« dudict moys passé, calcullant que depuys là pourroyt avoir demeuré cinq ou six jours avant que d'arriver à Maiorica, et que là, pour assembler le reste de son armée tant de Sicille que d'Espaigne et ordonner absolument de son partement pour Algier, pourroyt mettre quatre ou cinq jours pour le moings. Et depuys Maiorica faisoyent compte qu'il pourroyt mettre aultres cinq ou vi jours, qui sont en tout dix-sept ou dix-huict jours pour aller jusques à Bugia \ où l'on estime plus commodément se povoir désembarcquer et faire marcher son armée par terre jusques audict Algier, n'en povant aprocher plus près seurement par eaue. Que si ledict Barberousse prend son chemyn vers Algier, comme l'on estime qu'il fera, qu'il pourra arriver audict lieu assez à temps après que ledict empereur seroyt désembarcqué pour, trouvant l'armée dudict empereur ainsi peu pourveue de gens, l'en pouvoir despouiller et l'emporter, et par ce moyen le priver de tout ayde et secours de victuailles et d'espoir d'estre rescours en pays si estrange et ennemy de la chrestienté, et en temps d'iver. Ce sont discours et jugemens que l'on faict icy, lesquelz, Sire, ne semblent point du tout hors de propoz; bien que aultres estiment que l'affaire d'Algier ne touche tant ledict Grant Seigneur, par le commandement duquel ladicte armée sort, qu'il doibve entreprendre ung si grant voyaige de troys mille lieues en la pire saison de l'année, et la mettre en ce hasart et dangier de mer, et d'une armée si grande que ceste-là de l'empereur. L'ambassadeur duquel faict entendre à qui le veult oyr que, à la dissuasion et prière du pape et aultres ses plus grans et- chers amys et serviteurs, ne fera ledict