Escript ce dit jour à M. Bouchetel
[juillet 1540] GUILLAUME PELLIGIER 37
démarche qu'il vient de faire pour dissiper certains soupçons de la Seigneurie sur les véritables sentiments du prince :
« ...Sire, troys ou quatre jours aprez avoir faict ce que dessus, je receuz lettres de V. M., du vu® de ce moys, faisant mencion des bons propoz que vous avoyt tenuz M. Tambassadeur de cez Seigneurs touchant leur paix avecques le Grant Seigneur, et de la responce que Y. M. luy avoyt faicte tant libéralle et amyable, ce que le lendemain suyvant vostre commendement feuz déclairer bien amplement à ceste Seigneurie avecques le meilleur effect qu'il me fut possible, et mesme*> ment que en tout ce que toucheroyt à Y. M., non seullement au faict de leurdicte paix, mais en tous aultres, elle vous trouvera tousjours son meilleur amy et prest à luy faire tout le plaisyr que vous pourrez. A quoy aprez vous avoir très humblement remercyé m'a faict responce à Taccoustumée qu'ils en sont très bien asseurez, et qu'ils ne sont de présent à le cognoistre, et expérimenter, et que pour Tadvenyr ne se attendent aultrement, me promettans que de leur costé ne fauldrontà faire le semblable en tout ce qu'ilz pourront.
« Sire, j'ai pareillement receu lettres du seigneur Rincon du vp de ce moys, par ung courrier envoyé à cez Seigneurs de leur ambassadeur en Gonstantinople, par lesquelles ne me faict entendre aultre chose digne de faire sçavoir à Y. M. sinon que le xx® du passé messire Yincenzo Mazio et le seigneur de Yaulx arrivèrent en Gonstantinople, se remettant à escripre plus amplement par ledict seigneur de Yaulx lequel, environ le x ou xii"* de ce présent, debvoyt dépescher pour s'en revenyr devers Y. M., avecques l'entière satisfacion et contentement d'icelle. Et par celles que cez Seigneurs ont receues de leurdict ambassadeur du nn* dudict moys, s'entend comme icelluy Grant Seigneur avoyt libérés tous les gentilzhommes véniciens, qui estoyent en la tour de mer Maiour, excepté quatre; et quant aux robbes, ilz avoyent promesse des baschaz par laquelle espéroyent les recouvrer. Et sans la indisposition de gouttes qui tenoyent le Grant Seigneur et Lotphi Bey, premier bascha, auroyent désja avancé beaucoup ladicte négotiacion; mais obstant ce, et la longue demeure de Janezin, qui fut rencontré le IX* de ce moys à Andrinopoly, laquelle començoit jà, non seullement à ennuyer, ains à donner double ausdictz baschaz, n'avoyt rien peu faire davantaige, combien que le seigneur Rincon et lesdictz Mazio et de Yaulx ayent employé vostre faveur et pouvoir avecques leurs personnes pour les affaires de cez Seigneurs tant généraulx que particulliers, comme s'ils feussent mandez expressément pour ladicte Seigneurie. De quoy leur ambassadeur se loue et contente si très tant qu il n'est possible de plus, ainsi qu'il escript, et dont cesdicts Seigneurs s'en sentent tant attenuz qu'ils sont merveilleusement plus disposez à vous faire toute chose agréable. Par quoy commencent à ne trouver si dure et indigestible la demande et condition à eulx proposée
38 AMBASSADE DE [JUILLET 1540j
de amy de Tamy et ennemy de rennemy. A ceste cause, ainsi que suys adverty, sont à la requeste du Grant Seigneur pour accorder ce poinct au nom et proffict de V. M., pourveu que par ce ilz ne soyent contrainctz à faire aultre alliance avecques le Grant Seigneur que celle qu'ilz souUoyent avoir auparavant la guerre avecques luy, c'est d'estre ses alliez et confédérez, en sorte toutesfoys que pour ce ilz ne soyent contrainctz luy donner ayde contre aulcuns chrestiens. Néanmoins ont mandé à Spalatro que s'il y envoyoyt quelques ungs pour recouvrer les cent mil ducatz chequins ^ ainsi qu'ils avoyent ordonné et que vous ay jà escript, qu*ilz veissent de les recepvoir, acuillyret faire plus grant chère du monde, et les entretenyr jusques ad ce qullz en feussent advertys et eussent receues et approuvées les cappitulacions; car ne estoyent résoluz aultrement bailler plus argent que leurs choses de ladicte paix ne fussent establyes etasseurées.
« Sire, charchant ledict empereur tous les moyens à luy possibles de attirer cez Seigneurs à sa dévotion, leur faict faire ordinairement des plus belles offres par ses ministres dont il se peult adviser; comme son ambassadeur ', qui est icy puys quatre ou cinq jours, entre aultres a faict le plus secrettement qu'il a peu à la Seigneurie, offrant leur bailler Crémone et la Giéradade ainsy que vous ay escript, traictant de la convention du prys et payement desdicls lieux à leurs meilleures commoditez et partiz. Toutesfoys, à ce que puys entendre, cez Seigneurs n'y mettent pas grant foy, estans assez aprins pour le passé des belles desguyses desdicts ministres tousjours en rien revenues. Pareillement par lettres que cez Seigneurs ont receues de leur ambassadeur prez au roy Ferdinando ', ont entendu que le seigneur Lasky s'en estoyt party avecques Tranquilo pour retourner en Constantinople pour poursuyvre le faict de leur trefve et qu'ilz se promettoyent et presque asseuroyent venyr à bout de leur enlreprinse. *
« Sire, par lettres de Naples du xx' de ce moys. Ton entend
