PELLICIER AU CARDINAL DE FERRARE

62. — [Venise], 8 octobre 4540. — « Monseigneur, j'ay receu les lettres qu'il vous a pieu m*escripre, ensemble ung pacquet qui s*adressoyt à messire Franeesco Beltramo; et ne vous sçauroys assez très humblement remercyer de la bonne affection qu'il vous plaist de vostre bénigne grâce me porter, et des bonnes offres que me faictes par vostre rescription audict Beltrame, ainsi qu*il m'a récité et déclairé bien au long, les acceptant et recepvant comme chose qui me peult ayder et subvenyr grandement quand l'occasion s'y offrira. Et pour ce. Monseigneur, que entendez et sçavez très bien quelle despense il convient faire estant au lieu où je suis pour entretenyr les serviteurs du roy, me suys bien vouUu adresser à vous, pour vous supplyer me voulloir ayder de vostre faveur et crédict envers S. M. et monseigneur le connestable, affin que vostre bon plaisyr soyt leur donner bien à entendre qu'il est impossible sans quelque bonne provision que je m'en puysse aulcunement valloir ne ayder. Car ce ne sont gens qui se veuillent plus repaistre des belles parolles et excuses que leur ay tousjours baillez josques icy, en entretenant ce néantmoings aulcuns avecques ce peu qu'il m'a esté possible de fournyr par effect jusques à présent, selon me petite puyssance. Je ne vous diray point combien ledict seigneur Franeesco Beltramo est bon et dévot serviteur de S. M., estant certain que vous le congnoissez aussi bien que moy ; mais bien vous asseureray que je me vaulx aultant ou plus de luy pour le service dudict seigneur que de nul aultre qui soyt icy, sans qu'il en ayt jamais eu depuys que y. suys aulcune récompense. Il luy avoyt esté ordonné du temps de M. de Rhodez quelque pension; mais, ainsi que je entendz, jamais n'en a receu ung tournois : dont il commence fort à doubter que l'on ayt oblyé du tout le mérite de son service, et y a danger qu'il ne s'en retire. Par quoy, Monseigneur, s'il estoyt besoing que pour luy je vous deusse supplyer, je le feroys de très bon cueur; mais, sçaichant qu'il n'en est nécessité pour luy estre Vostre Révérendissime Seigneurie aultant affectionné que moy mesmes, vous supplye avoir les aultres poar recommandez. Car j'estimeray le bien que on leur fera plus que s'il estoyt faictà moy-mesmes; affin que si pour le moings Ton ne me veult bailler de quoy en povoir acquéryr de nouveaulx, l'on ne me paisse accuser d'avoir laissé perdre les anciens de mon temps. Je en ay escript à mondict seigneur le connestable, et fays encores à présent là où je ne metz en dernier lieu ledict seigneur Beltrame, le supplyant très humblement y voulloir faire mettre ordre. Si Vostre Révérendissime Seigneurie se trouve à propoz, ce ne me sera pas peu d'accroyssement de l'obligacion que je vous doibz, si c'estoyt vostre bon plaisyr de luy

en dire quelque mot; de quoy de rechef très humblement je vous supplye... »

Vol. 2, ^ 6i yo, copie du xvi" siècle; 1 p. ia-f*.

PELLICIER A M. D'ANNKBAULT.

63. — [Venise], 8 octobre 1540. — Pellicier le félicite de son retour à la cour et le remercie de la continuation de ses bonnes grâces. Il lui transmet les nouvelles contenues dans sa lettre au roi, concernant les menées des Impériaulx, les affaires de Hongrie et d'Italie, etc.

Vol. 2, f* 65, copie du xvi® siècle; î/3 p. inf».