Christophe de Monte

ville en vertu d'une lettre de bancque que m'avoyt envoyé le général Delbeyne, ayant bien fait entendre au Pape et audit s1 cardinal que e'estoyent deniers qui sortoyent de vostre bourse, dont Sa Saincteté m'a commandé expressément de vous en remercier de sa part.

Monseigneur, par les dernières lettres que j'ay receues du Roy Sa Majesté me mande de faire instance envers Sa Saincteté pour MM. les évesques de Saint Papol et de Troyes à celle fin que Sadite Saincteté les vueille faire cardinaux à la première promotion qui se fera, à quoy j'ay adjousté qu'il pleust aussi à Sadite Saincteté de créer ung de voz parans tel que vous luy vouldrez nommer en récompence de la promesse qu'elle vous avoyt faicte pour feu M. de Cahours, sur quoy j'ay eu pour response de belles paroles, mais par ce que je puis entendre elle est résollue de ne passer point oultre le nombre des trois, c'est assavoir de ses deux nepveuz et M. d'Alby, si elle ne change d'oppinion, comme il luy advient souvent.

Monseigneur, j'ay aussi receu la dépesche de l'abbaye de Saint Ferme, dont le Roy en votre faveur a fait don au secrétaire Boucher à qui je vous asseure elle est fort bien employée, car il fait très bien et diligemment son devoir au service du Roy, et oultre je le congnois estre de vos très humbles et très bons serviteurs.

Monseigneur, il y a deux des principaulx serviteurs du Pape qui m'ont prié vous supplier leur faire donner ung saufconduyt du Roy pour ung Espagnol nommé Matheo Fortezza qui s'en veult retourner en son pays, avec cinq ou six serviteurs, et pour évyterles dangiersdela mer désyre passer par France. Il y a douze ou quinze ans qu'il n'est pas party de ceste court, et me semble qu'il n'est personne pour pouvoir préjudicer au Roy en son voyage, par quoy si vous le trouvez bon il vous plaira m'envoier ledit saufconduyt pour les en graliffyer.

Monseigneur, je vous supplie commander à M. le

bailly du pillais ' qu'il ayt à me payer d'une année de mes gages du gentilhomme de la chambre, car j'en ay bien besoing.

Sire, je de Lanssac, suivant ce qu'il vous a pieu me mander, j'ay requis le Saint Père de nepourveoirplusaux béneffices d'Escosse sans nomination de la Hoyne votre fille, parée qu'elle esta présent en aage et est entrée eu l'administration de son royaume, ce que Sa Saincteté m'a accordé, et m'a dit que je y prinsse garde à ee que l'on n'y dépesche quelque chose par surprinse, à quoy j'auray bieu le soing et regard qu'il fault 2.

163. — 14 décembre 1553. — Lettre de M. de Lanssac au duc de Ferrare. (Arch. de Modène, Cancelleria Ducale, etc. Orig.)

Monseigneur, J'ay esté requis cy devant de monsieur le route de la Mirandola de supplier le pape de vouloir exempter les gens d'église dudict conté pour deux ans de décimes, ce que je differay de faire jusques à ce que j'en euz parlé à votre ambassadeur pour sçavoir si en ce faisant je ferois riens qui vous peust desplaire, lequel me respondit qu'il pensoit que non parquoy je feis la susdicte requeste à Sa Saincteté qui le m'a accordée libéralement en ce qui touche son interest seulement, mais n'a point voulu toucher au vôtre. Aussi ne l'en ay je point voulu requérir, louteffois si Votre Excellence vouloit user de semblable libéralité je pense qu'elle seroit bien employée attendu la pouvreté et dommages qu'ilz ont souf-

1. Nicolas Berthereau, seigneur de Villiers-le-Sec, nommé bailli du palais par lettres du 4 septembre 1537, conserva cette ebarge jusqu'en février 1559, date de sa mort.

2. Entre le 14 et le 20 décembre 1553, si nous en croyons une lettre de M. de Lodève aux cardinaux de Lorraine et de Tournon du •21 décembre 1553, Lanssac se rendit à Ferrare pour décider le iuc à consentir un prêt de deux cent mille écus au roi. (Bibl. nat. F. fr. 20453, f» 235.)

fertz à la dernière guerre, j'en remeetz touteffois le tout à votre bon plaisir et discrétion.

Monseigneur, je n'ay aultres nouvelles à vous mander sinon que j'aysceu présentement par une lettre que monseigneur le cardinal votre frère m'a escript disant que trente six gallères du Roy avoient esté descouvertes à Porthercule, toutesfois elles n'estoient point encores arriveez. Je remeetz le surplus des advis de pardeça à ce que vous en escrivent voz ministres ausquelz je communique ordinairement tout ce que je sçay pour le vous faire entendre.

Monseigneur, j'ay veu par la lettre qu'avez escripte à messer Jheronimo Palletto, votre secrétaire, la bonne opinion qu'il vous plaist avoir de moy avec l'affection de me faire plaisir, dont je vous remereye très humblement et en demeure d'aultant plus obligé à vous faire à jamais très humble service et vous supplie, Monseigneur, estre certain qu'il n'y a gentilhomme au monde qui ayt plus grand désir, ne meilleure volunté, que moy à faire pour votre dict service tout ce qu'il vous plaira me commander, en quoy je n'espargneray ma vye, ni chose qui soit en ma puissance pour vous satisfaire.

Monseigneur, aprez m'estre recommandé très humblement à votre bonne grâce, je prye le Créateur vous donner, en parfaicte santé, longue vye.

De Rome le xiiij8 jour de décembre 1553. Votre très humble et très obéissant serviteur. Lanssac.

A Monseigneur, Monseigneur le duc de Ferrare.

164. — 22 décembre 1553. — Lettre de M. de Lanssac au cardinal

de Ferrare l.

Monseigneur, j'eusse dès hier dépesché ce porteur avec les xvjm escuz qu'il vous porte, lesquelz je faisois tenyr