tome xxxm

garnye d'aucune artillerie, munition, ne armes requises pour la défendre, toutesfoys je y ay trouvé les habitans d'icelle si bons et loyaulx subjectz du Roy, que, avec leur ayde, je l'ay gardée tousjours en l'obéissance dudict seigneur, sans ce qu'il y ayt heu désordre comme ailleurs. Il est vray que au commancement il y eust quelque petit nombre des gens qui hantent la mer, qui firent quelques follies et pillarent et desrobarent des maisons, mais, après que je heu faict prandre les armes aux plus apparans de cestedicte ville, et que je y euz retiré, avecques moy, environ deux cens hommes des plus gentilz compaignons que je peuz trouver de dehors, je chastyay aucuns de ses mutins, ainsi que je peultz, de sorte que les aultres y prindrent example et se retirarent ; et despuis n'en ay ouy aucun bruist. Et parce qu'il me semble que la fidèllité que j'ay trouvée aux habitans de ceste dicte ville est digne de très grande recommandacion, je n'ay voullu faillir de vous en advertir et vous supplier très humblement qu'il vous plaise les avoir pour recommandez. Hz envoyent deux de leurs bourgeoys par devers vous, pour vous offrir leurs vies, corps et biens à vostre service.

Monseigneur, ayant entendu vostre venue de par deçà, je n'eusse failly de faire mon debvoir et me trouver au devant de vous pour vous rendre compte de ce que j'ay peu faire en la petite charge que j'ay, mais puisque j'ay gardé jusques ycy le peuple d'ycy autour en bonne paix, je crains que, sy je les laissois encores, que par adventure il y demeureroit quelque mal, à ceste cause je envoyé ce gentilhomme par devers vous pour recepvoir tel commandement par luy il vous plaira me faire pour le service du Roy et le vostre i, vous suppliant très humblement me faire cest honneur de croire que je désire bien fort estre

1. Le 25 mars 1549, M. de Lanssac, qui est venu apporter à Antoine de Bourbon une lettre du duc d'Aumale, rapporta à ce dernier une lettre d'Antoine de Bourbon. (Bibl. nat., f. fr. 20469, f° 149.)

si heureulx que de 3 pouvoir faire mon debvoir, au contentement dudict seigneur el de nous.

Monseigneur, je prie le Créateur qu'il \<>us doincl en grande prospérité très longue el heureuse vie.

De Bourg-sur-Mer, le troisiesme jour d'octobre, l'an 1548. Vostre très humble el Mrs obéissant serviteur.