Par M. Serres

183. — 16 janvier i5oi. — Lettre de M. de Lanssac au cardinal de Ferrare l.

Monseigneur, suivant ce qu'il vous a pieu me mander j'ay fait que messer Bendidio a baillé à messer Bernardo Achioly les iiijm escus que vous avez prins à Florence et a recouvert votre police que je croy qu'il vous envoyé présentement, et pareillement j'ay aydé à Serres 2 et à Gassot 3 à exécutter ce dont vous leur aviez donné charge, tant pour le marché des bledz, le recouvrement d'argent que de la fragatte, ainsi que plus amplement ilz vous feront entendre.

Monseigneur, je fuz encores hyer vers le Pape pour le solliciter d'escrire le traicté pour la prorogation de la suspension ainsi qu'il le nous a accordé, ce qu'il m'a promis faire au premier jour, et s'excuza de ne l'avoir plustost peu faire, pource qu'il a esté empesché pour la refformacion qu'il veult faire, et pareillement pour dépescher ung nonce qu'il envoyé devers l'Empereur, d'aultant que depuis iiij mois il n'y en a point, j'espère que nous y mettrons bientost fyn. Il est venu à Sa Sainteté nouvelles depuis peu de jours que des bannys de Norchia * s'estoient eslevez et estoyent entrez dans la ville où ilz avoient tué beaucoup de leurs ennemys et fait plusieurs cruaultez, dont pour les pugnir Sa Saincteté avoyt envoyé des commissaires ausquelz ilz fermèrent les portes et usèrent de rébelhon, ayant appelle à leur avde des forussiz deNapples. Parquoy Sa Saincteté y dépescha hyer