Du même jour

le ban que a fait faire le Pape pour ne laisser aller aucuns soldatz de ses estatz de l'une ne de l'autre part, et depuis Sa Saincteté a révocqué toutes les traictes de hledz qu'elle avoyt accordées. Partant il ne fault point que vousjattendyez de pouvoir avoir les ijm ruges ' de bled dont vous avez fait marché, car les marchans sont venus devers moy s'excuser de ce qu'ilz ne l'oseroient faire, et vous asseure qu'il n'a point tenu à y faire toutes les remonstrances dont je me suis peu adviser envers Sadite Saincteté. Mais il n'y a ordre. Parquoy il me semble que vous ferez bien d'envoyer quelque ung des commissaires vers Mme la duchesse de Castres au plus tost qu'il sera possible pour achapter sur son estât telle quantité de bled que vous adviserez, et si vous n'avez argent pour le payer, je mectray peyne d'en recouvrer pour satisfaire à ce que vous me manderez, et le plus tost y pourveoir sera le meilleur.

Monsieur, combien que le Pape nous eust tousjours cy devant fait entendre qu'il voulloyt comprandre l'Empereur dans le traicté de la suspencion, toutesfois dernièrement que nous luy en fusmes parler, il nous dit qu'il y avoyt longtemps qu'il luy en avoyt escript, mais il n'en avoyt ne pouvoyt avoir responce, laquelle il ne voulloit point attendre, et ne se voulloyt point obliger pour ledit Empereur. Par quoy nous avons passé ledit traicté sans que icelluv Empereur y soit comprins, comme vous verrez par le double que je vous en envoyé, etc.

Monsieur, je mande à M. le duc de Somme que s'il est vray que notre armée de mer soit arrivée en Corsèque comme l'on dict icy et que les ennemys en soient partys, qu'il advertist M, de Termes de Testât des affaires de deçà, affin que après avoir pourveu à ce qu'il seroyt nécessaire pour ladite Corsèque, il envoyast par deçà le nombre de

1. Ruge, de l'italien ruggio, mesure de capacité équivalant environ à un boisseau.

gens qu'il auroyt trop, pour les employer ou à votre secours, ou à faire quelque diversion ainsi que luy et vous Bçaurez trop mieulx adviser. Je vous advise, Monsieur, que j'ay baillé au cappitaine Jehan Thomas « cent cinquante escuz, suivant ce que m'a escript ledits1 duc de Somme, lesquelz je retiendray sur le premier argent que j'auray à vous envoyer.

Monsieur, je me recommande, etc.

9 février 1554. — Lettre de M. de Lanssac à Pierre Strozzi.

Monsieur, voyant que le Pape a révocqué la traicle de ijmruges de bled dont vous aviez fait marché, j'ai advisé de vous dépescher messer Matheo présent porteur, que vous congnoissez estre homme de bien et fort affectionné au service du Roy, lequel a moien de vous en faire recou- \ rer grande quantité, et à prix raisonnable, et pareillement de salpestres, boulletz, et plusieurs autres choses dont vous pourriez avoir besoing, et espère que en ce que vous vouldrez employer ledit Matheo vous vous en trouverez bien servy. Je vous envoyé aussi par luy, suivant ce que vous m'avez mandé, quatre lettres de change de MM. Celso Massaini pour recevoir à Sienne iiijm viijc escuz; et davantage vous en recevrez, que j'ay baillez audit Matheo présent porteur, iiijm viijc qui font en tout ixmvjc, plus ijc que j'ay baillez par votre mandement au cappitaine Mazyn Delbeyne, et cl que j'ai baillez aussi au cappitaine Jehan Thomas Guedoni par le mandement de M. le duc de Somme, comme vous verrez par leurs récépicez que je vous envoyé, dont vous leur pourrez faire tenir compte sur leurs estatz. Et plus j'ay baillé audit messer Matheo 1 escuz pour son voiaige, qui font en tout xm escuz qui

1. Jean-Thomas Guedoni, capitaine italien au service de la France.

serviront pour la paye de voz ijmvc hommes de creue ; vous advisantque ceste nuyt j'ay receu une lettre de bancquedeM.deSelve pour xiijm escuz et me mande que dedans demain j'en receveray xvijra, qui seront en tout xxxm, sur lesquelz je desduyray les xm que je vous envoyé présentement, et les xxm qui resteront entre mes mains, je les garderay sans y toucher et pour en faire ce qu'il plaira à Mgr le cardinal de Ferrare et vous en ordonner. Je vous veulx bien dyre, Monsieur, que j'ay esté adverty de bon lieu que le marquis de Marignan fait son compte de vous assaillyr du costé de la citadelle, et fait une grande platte forme si haulte qu'elle puisse battre dedans ladite citadelle le long d'une courtyne pour vous empescher de venir deffendre la bresche. Aussi par lettres qui vindrent hyer de Napples on mande avoyr embarqué ijra Espaignolz qui disent devoir venyr descendre à Orbatello ou à Plombyn ; qui est tout ce que je vous puis mander oultre ce que vous entendrez de bouche dudit messer Matheo, par lequel je vous supplie m'envoyer ung récépicé du trésorier pour les xm escuz que je vous envoyé.

Monsieur, je suis fort requis de vous recommander le cappitaine Cicon de Besilles, en faveur duquel je vous ay cy davant escript.