TOME XXXIII

ment au dit accord, car pourveu que vous rellevez le Roy de despense son honneur et réputation sauve et que Siennes demeure en liberté, il me semble que vous ne sçauriez frapper mauvais coup, vous suppliant très humblement me faire entendre par le dit cappitaine Hieronyme comme il vous plaira que je me conduise en cette affaire et tous aultres généraux et particullières deppendances de ma charge. Car, suyvant le commandement de Sa dicte Majesté, je n'entreprendray aucune chose sans vous en advertyr, et n'oultrepasseray point ce qu'il vous plaira me conseiller et ordonner, vous suppliant encore ung coup très humblement croyre que vous ne sçauriez avoir au lieu où je vois ung plus fidèlle, sincère* et affectionné serviteur que je vous suis et veulx estre, comme vous congnoistrez par effet en toutes choses, où il vous plaira me commander, m'en sentant grandement obligé. Monseigneur, il vous plaira m'envoier par ce dit porteur ung alphabet dont je me puisse ayder pour vous escrire et si vous congnoissez que je oblve quelque choze de mon devoir en ma charge et si je vous satisfais bien après qu'il vous plaise m'en advertir, car j'accepteray très voullontyers toute correction de vous et prendray à bonne part, n'estant si présomptueux que je ne sache bien que en une si grande charge je ne puisse faire quelque erreur. Maiz si j'en faiz vous pouvez estre certain que ce ne sera pas par faulte de fidellité, de soing, ni de dilligence, parquoy il me semble que je seray plus excusable.

Monseigneur, je vous envoie une lettre que la Royne vous escript1 et vous envoierai la paincture du Roy, mais quand mes coffres soient arrivez à Romme, où je m'en voys en toute dilligence, estant en grant peyne comme je vous pourray faire seurement tenir les denvers qu'il faul-

1. Cette lettre ne figure pas dans les Lettres de Catherine de Médicis publiées par le comte de la Ferrière.

dra que je vous envoyé, toutefois je y feray tout ce qu'il sera possible.

Monseigneur, l'on m'a depuis baillé les dicts articles que je vous envoyé. Et au demourant le Roy vous envoie ung double de vieilles nouvelles d'Allemaigne, mais, passant par Suysse1, j'en ay entendu de beaucoup meilleures que j'ay dict au dict cappitaine Hiéronime pour vous faire envoyer. ,

De Ferrare le xxiiij6 d'avril 1553.

9. — 24 avril 1553. — Lettre de M. de Lanssac à M. de Termes.

Monsieur, j'escriptz une lettre si ample à Mgr le cardinal de Ferrare de toutes choses qu'il vous communiquera qu'il me semble que je vous ferovs tort de vous ennuyer à redyre ung si long discours par ma lettre. Et me suffira, en vous envoyant la lettre que Mgr le connétable vous a escript, de vous dyre qu'il m'a commandé de vous escripre qu'il vous prie sur toutes choses que vous mettiez peyne a régler la despense le plus que vous pourrez, trouvant le dict seigneur bien estrange que n'estans assaillvz que de douze ou xv mil hommes vous soiez presque autant pour vos despenses et de celle vous avez entreprins de garder ung si grand nombre de petites places qui ne sont point d'importance qui ne servent qu'à despendre et consommer l'argent et engaiger la réputation quant elles sont prinses et croistre celle des ennemys. Semblablement le dict seigneur m'a dict que vous ne luv aviez point encore envoie Testât certain de la despance que vous faictes et qu'il vous prie de faire, car il ne peut faire ordonner ce qu'il vous est nécessayre sans cella. Et

1. M. de Lanssac fut à Coire l'hôte de son parent, Jean des Monstiers de Fraisse, ambassadeur chez les Grisons. (Marquis des Monstiers- Mérinville, Un évêque ambassadeur au xvi« siècle, p. 28.)

aussy il vous plaira m'envoier à Romme Testât de la despense de Petillan ! tant de gens de cheval que de pied pour la faire tenyr au dict seigneur, vous ad visant, Monsieur, que vous ne sçaurez faire service plus grand ne plus agréable au Roy que de le rellever de la despense qu'il faict là ainsi que je mande à M. le cardinal. Mays s'il ne se peult faire par ce moyen, faire régler les choses à ce qu'il sera nécessaire et non pas voullontayre.

Monsieur, avant mon partement de la court vostre nepveu2 de Boysourdan me pria de ramentevoir au Roy la promesse qu'il vous a faicte de pourvoir en bénéffices votre dict nepveu, ce que je fîz, et m'asseura le dict seigneur d'en avoir bonne souvenance quant l'occasion se présentoit. Semblablement je parlay à l'instant de vostre nepveu aux conseillers du conseil privé pour qu'il vous baye que vous demandez auprès de Muret dont M. le Garde des sceaulx print le mémoire et promist de vous faire dépesche. Je seroys bien aise, Monsieur, que de ce costé là et en tous aultres où j'auray moyen de vous faire service à quoy je m'emploieray de très bon cœur, me recommandant, etc.

De Ferrare le xxiiij6 avril 1553.

10. — 24 avril 1553. — Lettre de M. de Lanssac à M. de Selve.

Monsieur, suivant ce que je vous escrivy, l'autre jour, de Lima 3 , à la haste, le Roy m'aiant dépesche pour aller résider son ambassadeur à Rome, m'avoyt commandé de passer par icy pour veoir ce qui y auroyt esté negotyé par le sr Pierre et M. de Lodesve et d'icy m'avoit ordonné d'aller à Venyze, tant pour communiquer avecques vous des