GG

l'absence du Pape plus longuement qu'il ne pensoit, je vous ay faict apprester le palais neuf de Freneste, où vous serez beaucoup plus freschement qu'à l'aultre. Vous y pourrez demeurer tout cest esté, aultant qu'il vous plaira, ou bien, après le retour du Pape que le duc d'Urbin s'en ira, vous aurez le cbois de tous troys et commanderez par tout ainsi qu'il vous plaira '.

Monseigneur, je me recommande très humblement à vostre bonne grâce, pryant le Créateur vous donner, en

santé, longue vye.

De Rome, ce penultiesme jour de may 1553. Vostre très humble et très obéissant cousin et serviteur. La>ssac

A Monseigneur, Monseigneur le cardinal du Belay.

34. — 30 niai 1553. — Lettre de M. de Lanssac au duc de Ferrare. (Arch. de Modène, Cancelleria Ducale, etc. Orig.)

Monseigneur, j'ay receu la lectre quil vous a pieu m'escripre et vous remercie très humblement de tant honneur et faveur que vous me faictes par ycelle, vous advisant que je m'estime bien heureux que vous approuviez la manière de négocier dont j'ay usé pour entretenir la pratique de l'accord de Sienne, car cela me donne asseurance que le Roy en sera content ; et pour vous faire entendre comme les choses passent à présent, je ne vous rediray point les difficultez que nous avons eues, car vous en avez este adverty par les lectres que je vous ay cy deuant esc ri p tes et à M. de Lodève, et a ceste heure il ne reste plus qu'à

1. A son arrivée à Rome, le cardinal du Bellay s'installa d'abord dans un palais de la cité Léonine, au bourg Saint-Pierre. Il acheta par la suite les Thermes de Dioclétien, dont il fit relever une partie des ruines et où il fit aménager un magnifi-que palais et des jardins immenses. La description des Horti Bellaiani se trouve dans le livre de Roissar d,Antiquitates romanae. Francfort, 1597-1598, t. I, p. 90. (Arthur Heulhard, Rabelais, ses voyages en Italie, son exil à Metz. Paris, 1891, p. 341; Henri Chamard, Joachim du Bellay, Io22-1560, p. 301.)

estre d'accord de l'élection du chief qui demeurera à la garde de Sienne dont les Impériaux et duc de Florence se sont remis au pape le quel partir;) d'icy vandredy prochain pour s'en aller à Viterbe et de là à Orviette où se trouveront monseigneur le cardinal votre frère, le duc de Florence, et dom Garsv de Toledo pour traicter du dict accord, et cependant a envoyé deux légatz vers les dicts seigneurs, c'est assavoir le cardinal Sermonette à Sienne et celluv de Pérouse à Florence pour faciliter le susdict article qui demeure en différent. Mais j'espère que nous nous accorderons et ferons en sorte que le chief sera le personnage que vous sçavez duquel vous avez si bonne estime, pour le moings nous y ferons tout ce qu'il sera possible pour l'obtenir.

Monseigneur, je désire bien fort quil vous plaise me commander quelque chose pour votre service, car je me y emploirav de telle affection que je me recommande très humblement à votre bonne grâce, pryant le Créateur vous donner, en parfaicte santé, longue vye.

De Rome, ce penultiesme jour de may. Vostre très humble et très obéissant serviteur. Laxssac .

A Monseigneur, Monseigneur le duc de Ferrare.

35. — 31 mai 1553. — Lettre chiffrée de M. de Lanssac au roi.

Sire, vous aurez peu veoir par mes préceddantes dépesches les difïicultez que nous avons eues aux piopoz d'accord mis en avant par le Pape pour composer les affaires de Syennes, dont j'ay tousjours voullu mainctenir la praticque jusques à ce que j'aye sceu votre voullonté, comme j'ay faict par la lettre qu'il vous a pieu dernièrement m'escrire, suiuant laquelle nous sommes demeurez d'accord de tous les articles qui me feurent dernièrement baillez à Ferrare par Messg" les légatz, ausquelz ne sera

riens adjousté ne dymynué en substance, et ne reste plus en différend que de l'élection du chef qui demourera à la garde de Syennes. Caries Impériaulx n'ont pas voulu accorder que la Réppublique l'esleut, disans que y estans voz forces il estoit à présupposer qu'ils esliroient tel chef que vous vouldriez, qui seroit autant comme si vosdites forces y demouroient. Et se sont lesdits Impériaulx remis tant de ladite élection du chef que de toutes autres choses au Pape, lequel m'a promis de partir vendredy prochain qui sera après demain pour s'en aller à Viterbe et de là à Orviette où se trouveront Messgrs les cardinal de Ferrare, duc de Florence et domp Garcye de Thollède, pour mettre une fin ausdits propoz, et cepandant a envoyé des légatz devers lesdits seigneurs, sçavoir est le cardinal Sermonette à Syennes, et le cardinal de Pérouze à Florence pour empescher le gast que les Impériaulx voulloient faire sur le Syennoys, ayant pour cet effect fait faire le duc de Florence levée de gens, et aussi pour facilliter la susdite difficulté de l'élection du chef, dont je pense que le sort tombera sur le Seigneur Vincencio de Nobili que le Pape a envye de y mettre, ou sur le Seigneur Camille Ursin1. Nous doubtons dey mettre ledit Seigneur Vincencio parce qu'il est subject et a tousiours fait professyon d'estre serviteur dudit duc de Florence. Touttefoiz il a dict au cappitaine Hiéronyme de Pyze qu'on ne devoyt estre en doubte de luy veu l'affection qu'il a à votre service et que s'il demeure audit Sienne il nous baillera telle promesse par escript que nous vouldrons, ou bien il envoyera ung ou deux de ses enfans à Ferrare ou à Parme pour plus grande asseurance. Mais ce quejecraindrois le plus de luy seroyt qu'il n'eust pas assez d'expérience pour sçavoir bien gouverner les humeurs des Syennoys, par quoy nous ferons

1. Camille Orsini, marquis de Tripalda, seigneur de La Mentana, capitaine général de l'Église, mort en 1559.

tout ce qu'il sera possible pour y faire demeurer ledit Sr Camille Ursin, lequel me vint hier veoir et me dit qu'il estoyt au bout de sa charge, et avoit prins congé du Pape pour se retirer en sa maison, en délibération de y demourer s'il ne plaist à Dieu luy procurer quelque occasion de faire encores service à quelque prince, et qu'il me priovtvous faire entendre que vous n'aviez serviteur en France ne en Jtalve qui désirast plus votre grandeur, prospérité et vous faire service, que luy. A quoy je luy respondiz qu'il pouvoit s'asseurer d'avoir tousjours de vous si bon traictement qu'il auroyt occasion de s'en contenter pour luy et pour les siens, et que je ne faisoys point de doubteque Votre Majesté ne fust bien aize d'avoir ung tel serviteur que luy, mais que quand vous m'envoyastes icy vous n'estvez pas encores advertv qu'il deust laisser le service du Pape et aviez bien entendu que cy davant les Vénitiens l'avovent fait rechercher, et que je pensois que vous auriez bien agréable qu'il acceptast leur party pour son repoz et pour l'espérance que vous aviez qu'il feroit d'aussi bons et favorables offices pour votre service comme il a faict jusques icy, lesquelz vous recongnoistreryez envers le Sr Paule son filz auquel vous feriez du bien et de l'honneur. Je pense que si vous ne le vouliez pour vous il acceptera ledit party des Vénitiens, car je ne sçay s'il se vouldroyt seullement contenter de la garde de Svennes, si ce n'estoyt pensant faire chose qui vous fust agréable, et de là venir plus avant en votre service. Il vous plaira, Sire, me mander votre voullonté sur cest article par vostre première dépesche, vous advisant que le Pape me dist dernièrement qu'il estoyt trop pouvre pour se charger du tout de la despense qu'il fauldra faire à la garde de Svennes et voulloyt savoyr de moy s'il pourroyt espérer aide de Votre Majesté. A quoy je lui dietz que c'estovt une nouvelle difficulté dont je ne vous avois point advertv pour sçavoir votre voullonté, touttefoiz que je

pensoys que Votredite Majesté portoyt telle affection à Sadite Saincteté que non seullement vous luy vouldryez aider de. vos forces et argent pour la conservation de Syennes mais pour toutes autres choses que lui touchent, et me semble, Sire, qu'il vauldroyt beaucoup mieulx que vous luy feissiez quelque subvention en cella que s'il en prenoyt de l'empereur ou duc de Florence, et que vous auriez beaucoup meilleur marché de luy aider de xx ou xxxm escuz pour tout, faisant ledit accord, que s'il ne se faisovt et qu'il vous fallust continuer la despense que vous y fêtes. Et davantage il ne faut pas doubter que ayant desja tant fait de biens aux Syennoys comme vous avez faict et leur faisant cestaide pour leur protection que ilz ne demeurent tousjours à votre dévotion. Je soliciterai la résolucion dudit accord le plus tost que je pourray, affin que nous gaignons la moictyé de la paye du mois prochain de juing s'il est possible, puisque nous ne l'avons pas gaignée toute. Car ladite demy paye sera suffisante pour satisfaire à la susdiste contribution sy vous en devez faire, de laquelle je me garderay bien touttefoys de riens asseurer sinon que il fust trouvé bon par Messeigneursles cardinaulxde Ferrare et du Belay, lequel j'ay adverty de la susdite assemblée affin que il se y trouve comme je pense que il fera.

Sire, ces jours passez je fuz adverty que le Pape voulloit faire le duc d'Urbyn non seullement cappitaine général de l'église maiz confalonnier ■ , qui seroyt en priver le duc de Parme qui a cest estât à sa vye. Parquoy j'allay vers Sa Saincteté luy remonstrer que vous m'aviez commandé de prendre la protection des affaires de la maison Farnèze comme des vôtres, et que je pensoys que Votre Majesté trouveroyt fort mauvays si Sa Saincteté privoyt de ceste charge ledit duc, attendu que par le dernier traicté de la suspencion d'armes de Parme et de Lamyrandolle, il est

i. Gonfalonier.

dict que ledit duc et la mai/on Farnèze seront restituez en tous leurs estatzel honneurs comme auparavant, et que toutes censures et sentences données contre eulx demeuroient en suspendz pendant ladite suspencion. A quoy Sadite Saincteté me dit qu'elle serovt bien marrye de contrevenir audit traieté n\ l'aire chose qui vous dépleust, mais qu'il pensovt estre demouré en liberté de pourveoir et disposer de ses estatz, mesmement de cestuy-là, attendu que ledit duc de Parme par une lettre qu'il luy avoyt escripte avovt prins congé de luv. Et là dessus je luy monstray le double de ladite lettre, par laquelle ledit duc luv quietoyt ledit estât de cappitaine général, mais non pas de confalonnyer. Par quoy Sadite Sainteté print terme pour y penser, et, à ce que j'av entendu, elle s'est depuis résollue de ne le faire point, dont ledit duc d'Urbin est bien marry.

Sire, j'av faict cest office pensant qu'il vous fust agréable et feus bien d'advis que, quelque bon propoz que le Pape vous face tenyr, vous luv fêtes demander, avant le terme de ladite suspencion expyré, comme il entend à Fadvenir vivre avecques vous. Le cardinal Sermonette m'a dict avant son parlement qu'il n'eust pas accepté ceste charge d'aller à Syenne si ce n'eust esté vous pensant faire service, mais je l'ay bien adverty de ce qu'il y avoit à faire selon votre intencion, vous advisant qu'il se porte merveilleusement bien, et est fort affectionné à votre service et ne trouve personne icy qui se y employé de telle affection. Et s'il a bonne voullonté il la sçayt très bien exécutter, car il est estimé autant sage et de bon advis que cardinal privé qui soyt en tout le consistoyre.

Sire, je supplie le Créateur, etc. De Rome, le dernier jour de may 1553.

36. — 31 mai 1SS3. — Lettre de M. de Lanssac au connétable de Montmorency.

Monseigneur, j'ai été merveilleusement aise d'avoir vu par les lettres que j'ai reçues du Roy et de vous la satisfaction que vous avez du commencement de ma négociation qui me donnera courage de continuer de bien en mieux avec l'aide de Dieu. Et pour ce que vous verrez par la lettre du roi en quels termes nous sommes touchant l'accord des affaires de Sienne, je ne vous en ferai redite.

Monseigneur, suivant ce qu'il vous pleut me mander par le secrétaire Bouclier, j'ay parlé à messire Bernardo Achaioli et autres qui avoient fournv à feu M. deMyrepoix la partye des xxm escuz pour envoyer à Syennes, lesquelz se contentent pourveu qu'il vous plaise leur faire paier à Lyon au paiement de la foyre de Pasques, à quoy il vous plaira faire pourveoir pour entretenir notre crédit, et

quant à la partie de xxxm escuz comprins qui avoyt esté

arrestée par ledit sr de Mirepoix, j'ay trouvé qu'il n'en avoyt esté prins que yjmvc escuz qui estoyent la pluspart entre les mains de INicquet dont j'en ay fait rendre iiijm et des ijmvc qui restent il en avoyt esté faict quelques mises davant mon arrivée, et fault encores que j'en face pour les allées et venues de cest accord et plusieurs autres choses dont je n'ay pas le moien de faire l'advance. Mais il vous plaira croyre que je y procedderay avec le plus grand respect et bon mesnaigement que je pourray et vous en feray rendre bon compte par ledit Nicquet, lequel je vous envoyeray pour vous porter la résolution qui sera prinse dudit accord, par quoy, Monseigneur, il vous plaira pareillement faire pourveoir au paiement desd. ijmvc escuz et vc escuz outre cela tant pour l'intérest de la totalle somme des ijravc escuz qui furent prins dès le movs de février et pour l'intérest desdietz ijmvc escuz qui ne doivent estre pavez que

audit paiement de la foyre de Pasques, que pour le port et change desd. ijmvc escuz qu'il coustera à les apporter de Lyon icy où ilz doivent estre payez, aussy qu'il/, se plaignoient d'avoir tenu la totalle somme de xxxm escuz trois mois durant en surcréance sans en faire ledit proffict, commandant tousiours MM"1" les cardinal de Ferrare et de Termes de les tenyr prestz pensant en avoir affaire, qui a esté cause que je n'ay pas voulu regarder de si près avecques eulx pour lesdits vc escuz attendu mesmement que Mgr de Lodesve m'a de rechef escript que nous pourrions encores avoir affaire de cette partye.

Monseigneur, il me semble que je ferais fort grant faute si je vous taisais le bon devoir qu'a fait le sr Jordan Ursin à Montalcino. Car il n'a rien oublié de ce que peut et doit faire un bon, sage et vaillant cappitaïne à la garde d'une place. Ayant si bien pourvu à tout que les ennemis n'y ont plus d'espérance sinon parla longueur du siège et ont délibéré d'y faire des fortz comme ilz feyrent à Lamyrandolle, et laisser dedans les Italyens soubz la charge d'Ascanio de la Corgne, et les Espagnolz et Allemans avec la cavallerye, au cas que l'accord ne se fist, s'en vroient faire legast.

Monseigneur, je vous envoyé des paremaulx ' et boulles pour le Roy et en eusse envoyé davantage n'eust esté que le courrier eust esté trop empesché de les porter. J'ay céans une teste de marbre belle avec le bust anticque 2, que feu M. de Mirepoix vous gardoyt, laquelle j'accompaigneray de quelque autre belle chose si j'en puis