Cosme Ier de Médicis avait épousé Eléonore de Tolède

vous du bon traictemcnt que vous faictes audit seigneur légat, et me dict davantage que s'il estoyt besoing elle se mettroyt à chemin au commencement du movs de septembre pour vous aller trouver et conjurer Votredite Majesté et l'empereur au nom de Dieu et de toute sa puissance de vous accorder, pour laisser en repoz toute la chrétienté, et quand ores il n'adviendrovt autre utilité de son voiage, elle m'a dict en riant que à tout le moings elle auroyt le plaisir de vous veoir, qui est la chose du monde qu'elle désire le plus, à quoy je luy respondiz, comme autrefois j'av fait, que vous estiez tant amateur du bien et repoz universel de la chrétienté que je pensoys vous obliervez une partie des injures si receues par le feu Roy et vous de l'empereur, pour entendre à tous propoz de paix honneste et raisonnable, mesmement estans mys en avant par Sadite Saincteté laquelle vous désvrvez en toutes choses non seullement estre juge, mais encores vostre advocat et protecteur de vos droietz. Et oultre luy dietz, que l'empereur estoit bien pour prandre tout cecy à son advantage, pensant vous amuser de telz propoz et que cepandant vous ne pourveussiez à voz affaires, mais que vous le congnoissez de trop longue main pour vous laisser tromper à luy et faisyez telle dilligence d'assembler voz forces que en peu de temps elles seroyent suffizantes pour chasser les syennes d'autour de Thérouenne et pour entreprendre davantage s'il vous venoyt à propoz.

Sire, je ne craings point de vous ennuyer en vous mandant toutes ces choses au long et par le menu, car vous me commandez d'ainsi le faire, vous advisant que ces nouvelles sont venues fort à propoz pour votre honneur et répputation en ceste compaignie, car le mesme jour vindrent letres du cardinal d'Imola qui manda estre arrivé à la court de l'empereur sans ce qu'il soyt allé personne audevant de luy pour le recueillyr sinon le nonce du Pape seullement, lequel a esté contrainct de le loger chez luy,